પેટ્રોલ પંપ પરથી યુવકની લાશ મળી આવતા વિસ્તારમાં ચકચાર મચી ગઈ હતી. પેટ્રોલપંપમાં મૃતદેહ જોવા મળતા પેટ્રોલપંપના કર્મચારીઓએ કડી પોલીસ ટીમને જાણ કરતાં કડી પોલીસનો કાફલો ત્યાં પહોંચી ગયો હતો અને તપાસ હાથ ધરી હતી.
કડી હાઈવે 4 રોડ પાસે આવેલી એન.સી.દેસાઈ પેટ્રોલિયમની ઓફિસથી થોડે દૂર એક યુવકની લાશ મળી આવી હતી. રવિવારે પેટ્રોલ પંપ પર કર્મચારીઓ કામ કરી રહ્યા હતા. દરમિયાન ઓફિસની બાજુમાં આવેલા રૂમની પાછળ અજાણ્યા યુવકની લાશ મળી આવી હતી. તેણે તરત જ પેટ્રોલ પંપ માલિકને આ અંગે જાણ કરી હતી. પેટ્રોલ પંપના માલિક પણ ઘટનાસ્થળે પહોંચી ગયા હતા અને પોલીસને જાણ કરી હતી.