લોકસભા ચૂંટણી 2024: લોકસભાની ચૂંટણીની તારીખ નજીક છે. ચૂંટણી પંચ શનિવારે ચૂંટણીની તારીખો જાહેર કરશે. ચૂંટણી પંચ બપોરે 3 વાગ્યે પ્રેસ કોન્ફરન્સ કરશે. તારીખોની જાહેરાત બાદ આદર્શ આચારસંહિતા અમલમાં આવશે. તમને જણાવી દઈએ કે 17મી લોકસભાનો કાર્યકાળ જૂનમાં પૂરો થઈ રહ્યો છે. આ સિવાય આંધ્ર પ્રદેશ, સિક્કિમ, અરુણાચલ પ્રદેશ અને ઓડિશા વિધાનસભાનો કાર્યકાળ પણ જૂનમાં જ પૂરો થઈ રહ્યો છે.
લોકસભાની સાથે ચાર રાજ્યોમાં વિધાનસભાની ચૂંટણી પણ યોજાશે. ચૂંટણી પંચ આવતીકાલે આ ચાર રાજ્યોની વિધાનસભા ચૂંટણીની પણ જાહેરાત કરશે. આ સાથે જમ્મુ-કાશ્મીરમાં વિધાનસભા ચૂંટણીની પણ જાહેરાત થઈ શકે છે.
ઉલ્લેખનીય છે કે લોકસભા ચૂંટણી 2019 સાત તબક્કામાં યોજાઈ હતી. આ વખતે પણ તે છથી સાત તબક્કામાં થવાની ધારણા છે. 2019ની લોકસભા ચૂંટણી 11 એપ્રિલથી શરૂ થઈ હતી અને 19 મેના રોજ સમાપ્ત થઈ હતી.