(GNS) તા. 6
ગાંધીનગર,
દેશના સફળ વડાપ્રધાન શ્રી નરેન્દ્રભાઈ મોદી તેમજ માન. મુખ્યમંત્રી શ્રી ભૂપેન્દ્રભાઈ પટેલની વર્ચ્યુઅલ હાજરીમાં મહિલાઓને રૂ. 250 કરોડથી વધુની સહાયનું વિતરણ ગુજરાતભરમાં ‘નારી શક્તિ વંદના’ કાર્યક્રમનું આયોજન કરવામાં આવ્યું હતું.
જે અંતર્ગત સિવિલ હોસ્પિટલના ઓડિટોરિયમ, સેક્ટર-12 ખાતે ગાંધીનગર ઉત્તર વિધાનસભાના કાર્યક્રમમાં મેયર હિતેશભાઈ મકવાણા ઉપસ્થિત રહ્યા હતા.
આ પ્રસંગે મેયર શ્રીએ જણાવ્યું હતું કે માનનીય વડાપ્રધાન શ્રી નરેન્દ્રભાઈ મોદી સાહેબના નેતૃત્વમાં મહિલાઓ શિક્ષણ, આર્થિક, આરોગ્ય, રાજકીય અને અન્ય તમામ ક્ષેત્રોમાં પ્રગતિ કરી રહી છે. ‘નારીશક્તિ વંદના’ કાર્યક્રમ વિકસિત ભારત માટે વિકસિત ગુજરાતના નિર્માણમાં મહિલાઓના આર્થિક સશક્તિકરણની ખાતરી કરશે.