વર્ષ 2002માં રાજ્યમાં વીજળીની માંગ 7,743 મેગા વોટ હતી, જે વર્ષ 2023માં વધીને 24,544 મેગા વોટ પર પહોંચી – 21 વર્ષમાં 3 ગણો વધારોઃ- ઉર્જા મંત્રી
વર્ષ 2002માં માથાદીઠ વીજળીનો વપરાશ 953 યુનિટ હતો, જે વર્ષ 2023માં વધીને 2,402 યુનિટ થશે.
રાજ્યની કુલ વીજ માંગને પહોંચી વળવા માટે, ખાનગી કંપનીઓ પાસેથી માત્ર 16% વીજ ખરીદવામાં આવે છે, બાકીની વીજ સરકારી માલિકીના સ્ત્રોતોમાંથી ઉત્પન્ન થાય છે.
રાજ્યમાં રોજિંદા વીજ વપરાશને પહોંચી વળવા માટે, વીજળી હંમેશા મેરિટ ઓર્ડર મુજબ ખાનગી અથવા સરકારી માલિકીની કંપનીઓ પાસેથી ખરીદવામાં આવે છે.
(GNS),તા.15
ગાંધીનગર,
રાજ્યના તત્કાલિન મુખ્યમંત્રી શ્રી નરેન્દ્રભાઈના નેતૃત્વમાં રાજ્ય સરકારે રાજ્યના તમામ ગામડાઓ અને શહેરોને 24 કલાક વીજળી આપવાનો નિર્ણય લીધો હતો. ખેડૂતોને દિવસ દરમિયાન વીજળી મળી રહે તે માટેના પ્રયાસો પણ કરવામાં આવ્યા હતા. રાજ્યના ઉર્જા મંત્રી શ્રી કનુભાઈ દેસાઈએ જણાવ્યું છે કે રાજ્ય સરકાર આ સંકલ્પને પરિપૂર્ણ કરવામાં સફળ રહી છે.
તેમણે વધુમાં ઉમેર્યું હતું કે, રાજ્યના ગામડાઓને 24 કલાક 3 ફેઝ વીજ પુરવઠો પૂરો પાડવાના ઉદ્દેશ્ય સાથે શરૂ કરાયેલી જ્યોતિગ્રામ યોજનાના પરિણામે આજે રાજ્યના ગામડાઓ ઝળહળી રહ્યા છે.
વર્ષ 2002માં રાજ્યમાં વીજળીની માંગ 7,743 મેગા વોટ હતી, જે વર્ષ 2023માં 24,544 મેગા વોટ પર પહોંચી ગઈ છે, એટલે કે 21 વર્ષમાં રાજ્યમાં વીજળીની માંગ 3 ગણી વધી છે.