મુકેશ અંબાણીઃ રિલાયન્સ ઈન્ડસ્ટ્રીઝના ચેરમેન અને ઉદ્યોગપતિ મુકેશ અંબાણી વિશ્વના ટોપ-10 સૌથી ધનિક લોકોની યાદીમાં સામેલ થઈ ગયા છે. ફોર્બ્સની રિયલ ટાઈમ બિલિયોનેર્સ લિસ્ટ અનુસાર, મુકેશ અંબાણીની કુલ સંપત્તિ હવે 114 બિલિયન ડોલર એટલે કે 9.45 લાખ કરોડ રૂપિયા છે. તેણે સર્ગેઈ બ્રિનને હરાવીને ટોપ 10માં જગ્યા બનાવી લીધી છે.
ફ્રેન્ચ અબજોપતિ અને લૂઈસ વિટન મોટ હેનેસી (LVMH) સીઈઓ બર્નાર્ડ આર્નોલ્ટ આ યાદીમાં ટોચ પર છે. આર્નોલ્ટની કુલ સંપત્તિ હાલમાં $222 બિલિયન (આશરે રૂ. 18.60 લાખ કરોડ) છે. ટેસ્લાના સીઈઓ એલોન મસ્ક આ યાદીમાં બીજા ક્રમે છે.
5 વર્ષમાં મુકેશ અંબાણીની નેટવર્થ ત્રણ ગણી વધી
છેલ્લા કેટલાક વર્ષોમાં મુકેશ અંબાણીની સંપત્તિમાં જબરદસ્ત વધારો થયો છે. 5 વર્ષમાં તેમની નેટવર્થ 36 બિલિયન ડૉલર (આશરે રૂ. 2.89 લાખ કરોડ)થી વધીને 114 બિલિયન ડૉલર (લગભગ રૂ. 9.45 લાખ કરોડ) થઈ ગઈ છે. આવી સ્થિતિમાં 5 વર્ષમાં અંબાણીની નેટવર્થ બમણી થઈ ગઈ છે.
ગૌતમ અદાણી વિશ્વના 16મા સૌથી અમીર વ્યક્તિ છે
અદાણી ગ્રૂપના ચેરપર્સન ગૌતમ અદાણી ફોર્બ્સની રિયલ ટાઈમ બિલિયોનેર્સની યાદીમાં 16માં નંબરે છે. ગૌતમ અદાણીની કુલ સંપત્તિ 84 અબજ ડોલર (લગભગ રૂ. 69.6 લાખ કરોડ) છે. આ યાદીમાં ટોચના 20માં માત્ર 2 ભારતીય ઉદ્યોગપતિઓનો સમાવેશ કરવામાં આવ્યો છે.
આ પણ વાંચો: શું તમે બચત પર વધુ વળતર મેળવવા માંગો છો? તો આ સ્કીમમાં રોકાણ કરો