કડી શહેરના કુંડલ વિસ્તારમાં આવેલી બનાસકાંઠા સોસાયટીમાં પોલીસે દરોડો પાડી રહેણાંકના મકાનમાં છુપાવેલો વિદેશી દારૂનો જંગી જથ્થો મળી આવ્યો હતો. વિદેશી દારૂનું વેચાણ કરતા ઇસમ રંગે હાથે ઝડપાયો હતો. પોલીસે તેને જેલના સળિયા પાછળ ધકેલી દીધો અને ગુનો નોંધ્યો.
કડી પોલીસ વિવિધ વિસ્તારોમાં પેટ્રોલીંગ કરી રહી હતી. દરમિયાન પોલીસ સ્ટાફના ચેતનકુમાર અને રાજુભાઈને ગુપ્ત બાતમી મળી હતી કે બનાસકાંઠાના કુંડલ વિસ્તારમાં રહેતો સંજય ગોહિલ પોતાના મકાનમાં વિદેશી દારૂનું વેચાણ કરે છે. માહિતીની પુષ્ટિ કર્યા બાદ પોલીસે સ્થળ પર દરોડો પાડ્યો હતો. ઘરમાં તપાસ કરતાં ઘરના છેલ્લા રૂમમાંથી વિદેશી દારૂ ભરેલી પેટીઓ અને બિયરના ટીન મળી આવ્યા હતા. જ્યાં પોલીસે સ્થળ પરથી વિદેશી દારૂ અને બિયરના 642 ટીન કબજે કર્યા હતા. બનાસકાંઠાની સોસાયટીમાંથી કડક પોલીસે વિદેશી દારૂનો જંગી જથ્થો જપ્ત કર્યો હતો. તેમજ વેપારી એવા સંજય ગોહિલની પૂછપરછ કરતાં તેને વાઘુબા વાઘેલા નામની વ્યક્તિએ તેના ઘરે વિદેશી દારૂનો જંગી જથ્થો આપ્યો હોવાનું જણાવતાં પોલીસે બંને શખ્સો સામે ગુનો નોંધ્યો હતો. પોલીસે રૂ.92,790ની કિંમતનો મુદ્દામાલ કબજે કરી આગળની કાર્યવાહી હાથ ધરી છે.