(રખેવાલ સમાચાર) વડાવલ, બનાસકાંઠા જિલ્લામાં હજુ પણ વાદળછાયું વાતાવરણ જોવા મળી રહ્યું છે, હવામાન વિભાગ દ્વારા વરસાદની આગાહી વચ્ચે રવિવારે બનાસકાંઠા જિલ્લાના તમામ તાલુકાઓમાં મધ્યમથી ભારે વરસાદ નોંધાયો છે. વહેલી સવારે ગાઢ વાદળો સાથે વરસાદ શરૂ થયો હતો. આવી સ્થિતિમાં દિવસભર હળવાથી ભારે વરસાદ વચ્ચે પણ વાતાવરણમાં ઠંડક પ્રસરી હતી. જેના કારણે જિલ્લાવાસીઓને ગરમીમાંથી મોટી રાહત મળી છે.
બનાસકાંઠામાં સૌથી વધુ વરસાદ વડગામ વિસ્તારમાં થયો છે
રવિવારે સમગ્ર બનાસકાંઠા જિલ્લામાં અવિરત વરસાદ પડ્યો હતો. જેમાં સૌથી વધુ સાડા ત્રણ ઈંચ વરસાદ વડગામ વિસ્તારમાં નોંધાયો છે. આ ઉપરાંત દાંતા, પાલનપુર, અમીરગઢ સહિતના વિસ્તારોમાં પણ તેની અસર જોવા મળી હતી.
વરસાદી સિસ્ટમ સક્રિય થતાં આગામી બે દિવસ સુધી મધ્યમથી ભારે વરસાદની શક્યતા છે.
છેલ્લા કેટલાક દિવસોથી સમગ્ર ગુજરાત રાજ્યમાં મુશળધાર વરસાદ વરસાવનાર વરસાદી સિસ્ટમ રાજસ્થાન તરફ આગળ વધી રહી છે, બનાસકાંઠા જિલ્લામાં અનેક જગ્યાએ મધ્યમથી ભારે વરસાદની આગાહી કરવામાં આવી છે.
વરસાદી સિસ્ટમ સક્રિય થતાં આગામી બે દિવસ સુધી મધ્યમથી ભારે વરસાદની શક્યતા છે.
છેલ્લા કેટલાક દિવસોથી સમગ્ર ગુજરાત રાજ્યમાં મુશળધાર વરસાદ વરસાવનાર વરસાદી સિસ્ટમ રાજસ્થાન તરફ આગળ વધી રહી છે, બનાસકાંઠા જિલ્લામાં અનેક જગ્યાએ મધ્યમથી ભારે વરસાદની આગાહી કરવામાં આવી છે.