ગુજરાત સહિત બનાસકાંઠા જિલ્લામાં કમોસમી વરસાદની શક્યતા હવામાન વિભાગે વ્યક્ત કરી છે. ત્યારબાદ રાત્રિના સમયે જિલ્લાના કેટલાક વિસ્તારોમાં ભારે પવન અને વરસાદ સાથે હવામાનમાં એકાએક પલટો આવ્યો હતો. વરસાદના કારણે ખેતરમાં ઉભેલા પાકને નુકસાન થવાની ખેડૂતોમાં આશંકા છે. પાલનપુરના ચિત્રાસણીમાં કરા સાથે ભારે વરસાદ થયો છે. સતત પડી રહેલા કમોસમી વરસાદના કારણે ખેડૂતોને અત્યાર સુધી ભારે નુકસાન થયું છે. એક સપ્તાહ પહેલા આવેલા જોરદાર વાવાઝોડાએ બનાસકાંઠા જિલ્લામાં પણ તબાહી મચાવી હતી. છત ઉડી ગયા બાદ ઘર અને તબેલાને ભારે નુકસાન થયું હતું, ત્યારબાદ આજે સવારે ફરીથી વરસાદ અને ભારે પવન શરૂ થયો હતો.