ભારતનું સ્વદેશી ફાઇટર જેટ લાઈટ કોમ્બેટ એરક્રાફ્ટ તેજસને બેંગલુરુમાં ભારતીય વાયુસેનાને (Indian Air Force) સોંપવામાં આવ્યું. તેજસનું આ મોડેલ તેના ટેસ્ટ દરમિયાન તમામ માપદંડોમાં પૂર્ણ સાબિત થયું છે. તેજસનું નિર્માણ હિન્દુસ્તાન એરોનોટિક્સ લિમિટેડે (HAL) તેને એક મોટી સિદ્ધિ ગણાવી છે. આ LCA ટ્રેનર એરક્રાફ્ટનું નામ LT-2501 રાખવામાં આવ્યું છે. તેને લીડ-ઇન ફાઇટર ટ્રેનર એટલે કે લિફ્ટ પણ કહેવામાં આવે છે. કોમ્બેટ એરક્રાફ્ટ તેજસથી વાયુસેનાની તાકાતમાં વધારો થશે..
ભારતીય વાયુસેના અને હિન્દુસ્તાન એરોનોટિક્સ લિમિટેડ વચ્ચે એક કરાર પર હસ્તાક્ષર કરવામાં આવ્યા છે. તે મૂજબ HLA 8 લાઈટ કોમ્બેટ ટ્વીન-સીટર ટ્રેનર એરક્રાફ્ટ વાયુ સેનાને સોંપશે. HALને આવા 18 ટ્વીન સીટર એરક્રાફ્ટનો ઓર્ડર મળ્યો છે. સંરક્ષણ અધિકારીઓના જણાવ્યા અનુસાર, ભારતનું લાઇટ કોમ્બેટ ટ્વીન-સીટર ટ્રેનર એરક્રાફ્ટ Tejas Mark-1 અને Mark-1A HAL તેજસના 3 પ્રોડક્ટ મોડલમાંથી છે. ટ્રેનિંગ માટે ઉપયોગમાં લેવાતા આ એરક્રાફ્ટ વાયુસેનાના પાઇલટ્સને આધુનિક ફાઇટર પ્લેન ઉડાવવા માટે જરૂરી અનુભવ પ્રદાન કરશે..
એરક્રાફ્ટની તાકાત અને વિશેષતા વિષે જણાવીએ, LCA Tejas એ ટ્વીન સીટર લાઈટ વેટ એરક્રાફ્ટ છે. આ એરક્રાફ્ટ બધી જ સિઝનમાં તેની ભૂમિકા ભજવી શકે છે. તે એક ઓલ-વેધર મલ્ટી-રોલ 4.5 જનરેશન એરક્રાફ્ટ છે. એરક્રાફ્ટની મહત્તમ સ્પીડ મેક 1.6 છે. એરક્રાફ્ટ 50,000 ફૂટની ઉંચાઈ સુધી ઉડી શકે છે. આ એરક્રાફ્ટ બનાવવામાં 280 કરોડ રૂપિયાનો ખર્ચ થયો છે. લાઈટ કોમ્બેટ ટ્વીન-સીટર ટ્રેનર એરક્રાફ્ટની લંબાઈ 13.2 મીટર, પહોળાઈ 8.2 મીટર અને ઊંચાઈ 4.4 મીટર છે. તેની ખાસ વાત એ છે કે તે ચાર પેઢીમાંથી સૌથી સસ્તું સ્વદેશી એરક્રાફ્ટ છે. આ ટ્રેનર એરક્રાફ્ટનું નામ LT-2501 રાખવામાં આવ્યું છે. તે LiFT (લીડ-ઇન ફાઇટર ટ્રેનર) તરીકે પણ ઓળખાય છે.