નવી દિલ્હી: મહિન્દ્રા એન્ડ મહિન્દ્રાનું કુલ વેચાણ એપ્રિલમાં 36 ટકા વધીને 62,294 યુનિટ થયું છે. એપ્રિલ 2022માં કંપનીએ 45,640 વાહનોનું વેચાણ કર્યું હતું. સ્થાનિક બજારમાં કંપનીના પેસેન્જર વાહનોનું વેચાણ 54 ટકા વધીને 34,698 યુનિટ થયું છે. એપ્રિલ 2022 માં, કંપનીએ સ્થાનિક બજારમાં 22,526 પેસેન્જર વાહનોનું વેચાણ કર્યું હતું. એ જ રીતે, કંપનીના કોમર્શિયલ વાહનોનું વેચાણ 20,411 યુનિટથી વધીને 25,783 યુનિટ થયું છે. ગયા મહિને કંપનીની નિકાસ 33 ટકા ઘટીને 1,813 યુનિટ થઈ હતી. એક વર્ષ અગાઉ આ જ મહિનામાં કંપનીએ 2,703 વાહનોની નિકાસ કરી હતી.