મહેસાણામાં એક વિદ્યાર્થીનું હૃદયરોગના હુમલાથી મોત થયું છે. નાગલપુર કોલેજમાં હાર્ટ એટેકના કારણે વિદ્યાર્થીનું મોત થતાં વિસ્તારમાં ચકચાર મચી ગઈ છે. નેટ પ્રેક્ટિસમાં બોલિંગ કરતી વખતે તેને હાર્ટ એટેક આવ્યો હતો. મનીષ પ્રજાપતિ નામના 20 વર્ષીય યુવકના મોતથી પરિવારમાં શોકનો માહોલ છે.આ ઘટના મહેસાણાની નાગલપુર કોલેજમાં બની હતી. 20 વર્ષીય વિદ્યાર્થીનું હાર્ટ એટેકથી મોત થયાના સમાચાર અન્ય વિદ્યાર્થીઓમાં ફેલાઈ ગયા હતા. નેટ પ્રેક્ટિસમાં બોલિંગ કરતી વખતે તેને હાર્ટ એટેક આવ્યો હતો. મનીષ પ્રજાપતિ નામના યુવકના મોતથી વિસ્તારમાં શોકનો માહોલ છે. યુવાન વયે હાર્ટ એટેકના કારણે વધુ એક મોતના સમાચારથી શહેરના યુવાનોમાં ભયનો માહોલ ફેલાયો છે.
ખરાબ જીવનશૈલી અને ખાનપાનને કારણે હાર્ટ એટેકની સમસ્યા સામાન્ય બની ગઈ છે. જ્યારે હૃદય તેના રક્ત પુરવઠાથી વંચિત હોય ત્યારે હાર્ટ એટેક આવે છે. હાર્ટ એટેકનું સૌથી સામાન્ય અને જાણીતું લક્ષણ છાતીમાં દુખાવો છે. હાર્ટ એટેક દરમિયાન દુખાવો છાતીની મધ્યમાં શરૂ થાય છે અને પછી જુદા જુદા અવયવોમાં ફેલાય છે. જો કે, છાતીમાં દુખાવો એ હાર્ટ એટેકનું એકમાત્ર લક્ષણ નથી. ઘણીવાર એવું બને છે કે કોઈ પણ લક્ષણો વગર હાર્ટ એટેક આવે છે. પુરુષો અને સ્ત્રીઓમાં હાર્ટ એટેકના લક્ષણો અલગ અલગ હોઈ શકે છે. પુરુષો કરતાં સ્ત્રીઓને હાર્ટ એટેક દરમિયાન છાતીમાં દુખાવો થવાની શક્યતા ઓછી હોય છે. જીવનશૈલીના પરિબળો જેમ કે ધૂમ્રપાન, ઉચ્ચ ચરબીયુક્ત આહાર, ડાયાબિટીસ, ઉચ્ચ કોલેસ્ટ્રોલ અને હાઈ બ્લડ પ્રેશર પણ હાર્ટ એટેકનું જોખમ વધારે છે.