જ્યારે વાહનચાલકો બેદરકારીથી વાહન ચલાવે છે ત્યારે યુવાન વાહનચાલકો ઝડપનો ભોગ બને છે. આવી જ એક ઘટના માલપુર લુણાવાડા સ્ટેટ હાઈવે પર બની હતી. માલપુરના ગોવિંદપુર ગામના બે યુવકો બાઇક પર માલપુરથી લુણાવાડા સ્ટેટ હાઇવે પર રાકેશેશ્વર મહાદેવ પાસેથી પસાર થઇ રહ્યા હતા. પાછળથી પુરપાટ ઝડપે આવતી કારના ચાલકે બેદરકારીપૂર્વક વાહન ચલાવતા બાઇકને ટક્કર મારી હતી. જેના કારણે બંને બાઇક સવારો બાઇક સાથે 50 ફૂટ દૂર પટકાયા હતા. આસપાસના લોકો ઘટનાસ્થળે દોડી આવ્યા હતા. ત્યાં સુધીમાં કાર ચાલક કાર મુકીને નાસી ગયો હતો. ગંભીર રીતે ઘવાયેલા બંને બાઇક સવારોને સારવાર માટે માલપુર સીએચસીમાં લઇ જવાયા હતા. આ રીતે કાર ચાલકની ગંભીર બેદરકારી જોવા મળી હતી. સાથે જ ઈજાગ્રસ્ત યુવકોને સારવાર માટે મોકલવાના બદલે તેઓ કાર છોડીને ભાગી ગયા હતા.