પોલીસે ડ્રાઈવર મનુ રબારીને કસ્ટડીમાં લીધો છે
મુખ્યમંત્રી ભૂપેન્દ્ર પટેલની સુરક્ષામાં ક્ષતિ જોવા મળી છે.મુખ્યમંત્રી કાર્યક્રમ પૂર્ણ કરીને પરત ફરી રહ્યા હતા ત્યારે છત્રાલ જીઆઈડીસી રોડ પાસે કાળા રંગની કારે મુખ્યમંત્રીના કાફલાને ટક્કર મારી હતી. સુરક્ષાકર્મીઓએ તાત્કાલિક કાર ચાલક મનુ રબારીને કસ્ટડીમાં લીધો હતો. વ્યક્તિ કાફલામાં કાળા રંગની થાર કારમાં પ્રવેશ્યો હતો. છત્રાલ જીઆઈડીસી પાસે મુખ્યમંત્રી ભૂપેન્દ્ર પટેલના કાફલાની પાછળ એક ખાનગી કાર દોડી હતી. આ પછી સુરક્ષા દળોએ પરિસ્થિતિને સંભાળી લીધી અને મનુભાઈ રબારી નામના વ્યક્તિ વિરુદ્ધ ફરિયાદ નોંધવામાં આવી.
મહેસાણામાં સૈનિક સ્કૂલનું ઉદ્ઘાટન કરીને મુખ્યમંત્રી ગાંધીનગર પરત ફરી રહ્યા હતા. દરમિયાન છત્રાલ જીઆઈડીસી રોડ પાસે એક કાળી નંબર પ્લેટ વગરની કારે મુખ્યમંત્રીના કાફલાને ટક્કર મારી હતી. આ મામલો સુરક્ષા જવાનોના ધ્યાન પર આવતા તાત્કાલિક કાર્યવાહી કરવામાં આવી હતી. આખરે, પોલીસે થાર કારને અટકાવી હતી અને તેના ચાલકને પકડી લીધો હતો અને તેની સામે કાયદેસરની કાર્યવાહી હાથ ધરી હતી.
પોલીસે કારને રોકીને ચાલકનું નામ પૂછતાં તેણે તેનું નામ મહેસાણાના રહેવાસી મનુભાઈ લલ્લુભાઈ રબારી હોવાનું જણાવ્યું હતું. પોલીસે તેની સામે ગુનો નોંધી તેની ધરપકડ કરી હતી અને મેરેથોન પૂછપરછ હાથ ધરી હતી.