શામળાજી-મોડાસા હાઈવે પર બામણવાડ ગામ પાસે એક યુવાન બાઇક સવાર પોતાનું બાઇક સાઇડમાં મૂકીને પસાર થઇ રહ્યો હતો. દરમિયાન પાછળથી પુરપાટ ઝડપે આવતા ટ્રક ચાલકે બાઇક સવારને ટક્કર મારતા બાઇક સવાર બાઇક સાથે પટકાતા તેનું ઘટના સ્થળે જ મોત નીપજ્યું હતું. અકસ્માત સર્જનાર અજાણ્યો ટ્રક ચાલક પણ ટ્રક લઈને ભાગી ગયો હતો. આવી સ્થિતિમાં શામળાજી-મોડાસા હાઈવે પર ટ્રક ચાલકની બેદરકારીના કારણે હિટ એન્ડ રનની ઘટના પ્રકાશમાં આવી છે. ટીંટોઇ પોલીસે ઘટના સ્થળે પહોંચી ફરાર ટ્રક ચાલકની શોધખોળ હાથ ધરી છે.