ડીસા પાલનપુર નેશનલ હાઈવે પર હિટ એન્ડ રનની ઘટના બની છે. કાર સાથે બાઇક અથડાતા બાઇક ચાલકનું કરૂણ મોત નીપજ્યું હતું. અકસ્માત બાદ કારચાલક કાર મુકીને ભાગી ગયો હતો.ડીસા પાલનપુર નેશનલ હાઇવે પર રસાણા પાસે સર્જાયેલા અકસ્માતમાં એક વ્યક્તિનું મોત નિપજ્યું છે. ડીસા તાલુકાના વાસણા ગામે રહેતા જેન્તીભાઈ ગિરધરભાઈ માળી ફોટોગ્રાફી અને વિડીયોગ્રાફીનો વ્યવસાય કરતા હતા. જે કુંભલમેર ગામે લગ્નની ફોટોગ્રાફીના ઓર્ડર માટે ગયો હતો અને ત્યાંથી પોતાની બાઇક પર દિશા તરફ પરત ફરી રહ્યો હતો. તેમજ રસાણા ગામ નજીકથી પસાર થતા હતા. ત્યારે પૂરપાટ ઝડપે આવી રહેલા એક કાર ચાલકે બાઇકને ટક્કર મારતા અકસ્માત સર્જાયો હતો.
બાઇક રોડની બાજુની ઝાડીઓમાં અથડાયું હતું. જ્યારે કાર પણ પલટી ખાઈ ગઈ હતી.અકસ્માતમાં બાઇક ચાલક જેન્તીભાઈ રોડ પર પટકાયો હતો અને માથા અને મોઢાના ભાગે ગંભીર ઈજાઓ થતાં તેઓ લોહીલુહાણ થઈને નીચે પટકાયા હતા. ઘટનાની જાણ થતાં જ 108 એમ્બ્યુલન્સ વાનની ટીમ તાત્કાલિક ઘટના સ્થળે પહોંચી હતી અને ઇજાગ્રસ્તોને ડીસાની સરકારી હોસ્પિટલમાં સારવાર માટે દાખલ કર્યા હતા. જ્યાં તેનું દર્દનાક મોત નિપજ્યું હતું, ઘટનાની જાણ થતાં જ મૃતકના પરિવારજનો તાત્કાલિક સરકારી હોસ્પિટલે પહોંચ્યા હતા. આ અંગે મૃતકના ભાઈએ ડીસા તાલુકા પોલીસ મથકે અકસ્માત સર્જી નાસી છૂટેલા ચાલક સામે ફરિયાદ નોંધાવતા તાલુકા પોલીસે વધુ તપાસ હાથ ધરી છે.
બાઇક રોડની બાજુની ઝાડીઓમાં અથડાયું હતું. જ્યારે કાર પણ પલટી ખાઈ ગઈ હતી.અકસ્માતમાં બાઇક ચાલક જેન્તીભાઈ રોડ પર પટકાયો હતો અને માથા અને મોઢાના ભાગે ગંભીર ઈજાઓ થતાં તેઓ લોહીલુહાણ થઈને નીચે પટકાયા હતા. ઘટનાની જાણ થતાં જ 108 એમ્બ્યુલન્સ વાનની ટીમ તાત્કાલિક ઘટના સ્થળે પહોંચી હતી અને ઇજાગ્રસ્તોને ડીસાની સરકારી હોસ્પિટલમાં સારવાર માટે દાખલ કર્યા હતા. જ્યાં તેનું દર્દનાક મોત નિપજ્યું હતું, ઘટનાની જાણ થતાં જ મૃતકના પરિવારજનો તાત્કાલિક સરકારી હોસ્પિટલે પહોંચ્યા હતા. આ અંગે મૃતકના ભાઈએ ડીસા તાલુકા પોલીસ મથકે અકસ્માત સર્જી નાસી છૂટેલા ચાલક સામે ફરિયાદ નોંધાવતા તાલુકા પોલીસે વધુ તપાસ હાથ ધરી છે.