રાજકોટમાંથી એક મોટા સમાચાર સામે આવ્યા છે. નોંધનીય છે કે રાજકોટ મ્યુનિસિપલ કોર્ટે મેંગો મિલ્ક શેકના સેમ્પલ ફેલ થતા માલિકને એક મહિનાની સજા ફટકારી છે. ખાસ વાત એ છે કે 10 વર્ષ પહેલા મેંગો મિલ્ક શેકમાં પ્રતિબંધિત કલર જોવા મળ્યો હતો. આ કેસમાં હવે મ્યુનિસિપલ કોર્ટે માલિકને એક મહિનાની કેદની સજા ફટકારી છે.
રાજકોટના પોપટપરા રોડ પર આવેલ પટેલ રસાના મેંગો મિલ્ક શેકમાંથી સેમ્પલ લેવામાં આવ્યા હતા. સેમ્પલ ફેલ થયા બાદ હવે મોટી કાર્યવાહી સામે આવી છે. વિગત મુજબ આ સેમ્પલ 6 જૂન 2013ના રોજ લેવામાં આવ્યા હતા. જે બદલ મ્યુનિસિપલ કોર્ટે હવે માલિકને એક માસની કેદની સજા ફટકારી છે. આ સાથે તર્જનપુરી ગોસ્વામી, સોમભાઈ ખુંટને એક-એક લાખનો દંડ ફટકારવામાં આવ્યો છે.