(GNS),તા.03
લોકસભા ચૂંટણી પહેલા આ માણસની પાર્ટીને એક પછી એક ઝટકો મળી રહ્યો છે. એક તરફ ભૂપત ભાયાણીએ AAP ધારાસભ્ય પદેથી રાજીનામું આપીને ભગવો કરી દીધો છે તો બીજી તરફ AAPમાંથી રોહિત ભુવાએ પણ રાજીનામું આપી દીધું છે. રોહિત ભુવાએ ગત વિધાનસભાની ચૂંટણીમાં જેતપુર-જામકંડોરણાથી આમ આદમી પાર્ટી તરફથી ઉમેદવારી નોંધાવી હતી, જોકે હવે તેમણે તમામ જવાબદારીઓ અને પ્રાથમિક સભ્ય પદેથી રાજીનામું આપી દીધું છે. પોરબંદર લોકસભા ઈન્ચાર્જ અને જોઈન્ટ સેક્રેટરી પદ સહિતના હોદ્દા પરથી રાજીનામું આપ્યું છે. અંગત કારણોસર પાર્ટીમાંથી રાજીનામું આપ્યું છે. રોહિત ભુવા ભાજપમાં જોડાય તેવી શક્યતા છે.
મહત્વનું છે કે AAPના પૂર્વ ધારાસભ્ય ભૂપત ભાયાણી ભાજપમાં જોડાઈ ગયા છે. ભૂપત ભાયાણી તેમના મતવિસ્તાર વિસાવદરમાં તાકાત બતાવ્યા બાદ ભાજપમાં જોડાયા છે. ભૂપત ભાયાણી આમ આદમી પાર્ટીમાં જોડાતા પહેલા તેઓ ભાજપમાં હતા. વર્ષ 2022માં યોજાયેલી વિધાનસભાની ચૂંટણીમાં વિસાવદરમાં આમ આદમી પાર્ટીનો વિજય થયો હતો. અહીં ભૂપત ભાયાણી વધુ મતો મેળવીને વિજયી થયા હતા. ભૂપત ભાયાણી 66 હજાર મતોથી જીત્યા. જ્યારે કોંગ્રેસમાંથી ભાજપમાં લવાયેલા હર્ષદ રિબડિયાને ભાજપ તરફથી ટિકિટ આપવામાં આવી હતી, જોકે તેઓ આ બેઠક પરથી હારી ગયા હતા. બીજી તરફ કોંગ્રેસના કરસનભાઈ વડોદરિયા પણ આ બેઠક પરથી હારી ગયા હતા.