ગાંધીનગર: (ગાંધીનગર) રાજ્યમાં આજે બે પૂર્વ મુખ્યમંત્રીઓની કારને અકસ્માત નડ્યો હતો. જેમાં અમદાવાદના લીંબડી હાઇવે પર પૂર્વ મુખ્યમંત્રી વિજય રૂપાણીના કાફલાની પાયલોટીંગ કાર બાઇક સાથે અથડાતા અકસ્માત સર્જાયો હતો. હળવદ નજીક પૂર્વ મુખ્યમંત્રી સુરેશ મહેતાની કાર ટ્રક સાથે અથડાતા અકસ્માત સર્જાયો હતો.
- રાજ્યના બે પૂર્વ મુખ્યમંત્રીઓને અકસ્માત નડ્યોઃ વિજય રૂપાણીના ડ્રાઈવરે બાઇકચાલકોને ઉડાવી દીધા
- સુરેન્દ્રનગર નજીક વિજય રૂપાણીની પાયલોટીંગ કાર તેમની બાઇક સાથે અથડાઈ ત્યારે રૂપાણીએ કાફલાને રોકી ઈજાગ્રસ્ત યુવકને હોસ્પિટલ લઈ ગયા હતા.
- સુરેશ મહેતાની કાર ટ્રક સાથે અથડાઈ
પૂર્વ મુખ્યમંત્રીઓ સાથે થયો અકસ્માતઃ મળતી માહિતી મુજબ અમદાવાદ-લીમડી હાઈવે પર ચોરાણીયા ગામના પાટિયા પાસે પૂર્વ મુખ્યમંત્રી વિજય રૂપાણીની કાફલો પસાર થઈ રહી હતી ત્યારે તેની પાયલોટીંગ કાર બાઇક સાથે અથડાતા બાઇક ચાલકને ગંભીર ઇજાઓ પહોંચી હતી. આ અકસ્માતને કારણે પૂર્વ મુખ્યમંત્રી વિજય રૂપાણીના કાફલા રસ્તા પર જ થંભી ગયા હતા અને ઈજાગ્રસ્ત યુવકને તાત્કાલિક સારવાર માટે હોસ્પિટલ લઈ જવામાં આવ્યો હતો. આ બનાવની જાણ થતાં જ પોલીસે તાત્કાલિક ઘટના સ્થળે પહોંચી વધુ તપાસ હાથ ધરી છે.
અન્ય એક ઘટનામાં પૂર્વ મુખ્યમંત્રી સુરેશ મહેતાની કાર હળવદ પાસેથી પસાર થઈ રહી હતી ત્યારે ટ્રક સાથે અથડાઈ હતી. જોકે, સદનસીબે આ અકસ્માતમાં સુરેશ મહેતાને કોઈ ઈજા થઈ ન હતી. અકસ્માત બાદ સુરેશ મહેતાને અન્ય કારમાં સલામત રીતે મોકલવામાં આવ્યા હતા.