મુંબઈ પ્રત્યુષા બેનર્જી આત્મહત્યા કેસમાં રાહુલ રાજ સિંહને મોટો ઝટકો લાગ્યો છે. કોર્ટે રાહુલ રાજ સિંહને રાહત આપવાનો ઈન્કાર કરી દીધો છે. મુંબઈની એક કોર્ટે પ્રત્યુષા બેનર્જીની કથિત આરોપી રાહુલ રાજ સિંહની ડિસ્ચાર્જ અરજી ફગાવી દીધી છે. રાહુલ રાજની અરજીને ફગાવી દેતા કોર્ટે કહ્યું હતું કે દિવંગત અભિનેત્રી પ્રત્યુષા બેનર્જીના બોયફ્રેન્ડ રાહુલ રાજ સિંહ દ્વારા કરવામાં આવતી હેરાનગતિએ તેને આત્મહત્યાનો વિચાર કરવા મજબૂર કરી હતી. પ્રથમ દૃષ્ટિએ સ્પષ્ટ છે કે રાહુલ રાજ સિંહ દ્વારા શારીરિક, ભાવનાત્મક, નાણાકીય સતામણી અને શોષણને કારણે અભિનેત્રી ડિપ્રેશનમાં આવી ગઈ હતી. રાહુલ રાજ સિંહે પ્રત્યુષા બેનર્જીની સમસ્યાઓ ઓછી કરવામાં મદદ કરી ન હતી. આવી સ્થિતિમાં, રાહુલ સ્પષ્ટપણે પ્રત્યુષા બેનર્જીને આત્મહત્યા કરવા માટે ઉશ્કેરવાના દાયરામાં આવે છે.