ગાંધીનગર જિલ્લા સંકલન અને ફરિયાદ સમિતિની બેઠક યોજાઈ
(GNS),તા.17
ગાંધીનગર,
ગાંધીનગર જિલ્લા સંકલન અને ફરિયાદ સમિતિની બેઠક જિલ્લા કલેક્ટર શ્રી એમ. કે. દવેની અધ્યક્ષતામાં આયોજન કરવામાં આવ્યું હતું. આ બેઠકમાં ઉપસ્થિત જિલ્લાના અધિકારીઓને સંબોધતા જિલ્લા કલેકટરે જણાવ્યું હતું કે, જિલ્લા વહીવટીતંત્રમાં ફરજ બજાવતા અધિકારીઓ અને કર્મચારીઓએ લોકલક્ષી વહીવટ માટે સતત પ્રયત્નશીલ રહેવું જોઈએ. તેમણે ખાસ કરીને જાહેર ફરિયાદોના નિવારણને પ્રાધાન્ય આપવા વિનંતી કરી હતી.
આ બેઠકમાં નિવૃત થતા કર્મચારીના પેન્શન કેસમાં વિલંબ ન થાય તેની કાળજી લેવામાં આવી હતી. આ ઉપરાંત હિસાબી વસૂલાત, પોલીસ કચેરીઓની તપાસ, જાહેર ફરિયાદોનું નિરાકરણ, માહિતી અધિકાર કાયદા હેઠળ ત્વરિત પગલાં લેવા અને સાંસદો અને ધારાસભ્યોની રજૂઆતો અંગે ચર્ચા કરવામાં આવી હતી.
આ ઉપરાંત નાગરિક પુરવઠાની બેઠકમાં જિલ્લા કલેકટરે રાષ્ટ્રીય ખાદ્ય સુરક્ષા, આવશ્યક ચીજવસ્તુઓ અને ખાદ્ય સુરક્ષા સંદર્ભે થયેલી કામગીરીની સમીક્ષા કરી હતી અને જરૂરિયાતમંદ લોકોને પોષણયુક્ત ખોરાક સમયસર મળી રહે તે માટે ભાર મૂક્યો હતો. જિલ્લા સંકલન અને ફરિયાદ સમિતિની બેઠકમાં જિલ્લા વિકાસ અધિકારી શ્રી એમ. કે. મોદી, નિવાસી અધિક કલેક્ટર શ્રી ડી.કે.બ્રહ્મભટ્ટ અને જિલ્લાના ઉચ્ચ અધિકારીઓ ઉપસ્થિત રહ્યા હતા.