બનાસકાંઠા જિલ્લાના થરાદ તાલુકાના વડગામડા સેવા સહકારી મંડળના મંત્રીએ ગ્રામજનોમાં આરોગ્ય સેવાઓ અંગે જાગૃતિ લાવવા માટે કેમ્પ અને માર્ગદર્શન શિબિરનું આયોજન કરવાનું સૂચન કર્યું હતું. આ સૂચન અંતર્ગત સેવા સહકારી મંડળી – વડાગામડાના ઉપક્રમે વડાગામડા ગામે અંબાજી મંદિરના પટાંગણ ખાતે તાલુકા આરોગ્ય કચેરી – થરાદ દ્વારા જાગૃતિ કાર્યક્રમ અને નિ:શુલ્ક મેડિકલ કેમ્પનું આયોજન કરવામાં આવ્યું હતું. આ સાથે સમાજની વાર્ષિક સાધારણ સભા પણ સેવા સહકારી મંડળી વડગામડાની અધ્યક્ષતામાં યોજવામાં આવી હતી.
આ પ્રસંગે સલાહકાર ધીરુ કોટવાલે સગર્ભા બહેનોને નિયમિતપણે સ્થાનિક આરોગ્ય અને સુખાકારી કેન્દ્ર અને નજીકના પ્રાથમિક આરોગ્ય કેન્દ્રની મુલાકાત લઈને પોષણયુક્ત આહાર લેવાની સલાહ આપી હતી.આયોજીત આ કેમ્પમાં સેવા સહકારી મંડળના તમામ સભ્યો ઉપસ્થિત રહ્યા હતા. ભોરડુ પ્રાથમિક કેન્દ્ર.. મંડળ તથા મોટી સંખ્યામાં ગ્રામજનોએ બિન ચેપી રોગોની તપાસ કરી હતી અને સ્થળ પર જ બ્લડપ્રેશર, ડાયાબીટીસ, શરદી, ઉધરસ, તાવ વગેરેની સઘન તપાસ કરી જરૂરી સારવાર અને તબીબી સલાહ આપવામાં આવી હતી.