ત્રણ દિવસીય આ કાર્યક્રમમાં નિષ્ણાતો દ્વારા પેનલ ડિસ્કશનનું પણ આયોજન કરવામાં આવશે
વડાપ્રધાન નરેન્દ્ર મોદી આવતીકાલે ગાંધીનગરમાં ‘સેમિકોન ઈન્ડિયા 2023’ કાર્યક્રમનું ઉદ્ઘાટન કરશે. ત્રણ દિવસીય ઈવેન્ટમાં સેમીકન્ડક્ટર ચિપ, ડિસ્પ્લે ફેબ, ચિપ ડિઝાઈન, એસેમ્બલિંગના ક્ષેત્રના નિષ્ણાતો દ્વારા પેનલ ચર્ચા પણ કરવામાં આવશે. ભારતમાં સેમિકન્ડક્ટર સેક્ટરમાં રોકાણની તકો પર પ્રેઝન્ટેશન પણ કરવામાં આવશે.
લોકોને સેમિકન્ડક્ટર ઉત્પાદન પ્રક્રિયા અને આ ક્ષેત્રમાં થયેલી પ્રગતિ વિશે માહિતગાર કરવામાં આવશે. ભારત અને ગુજરાતમાં સેમિકન્ડક્ટર ઉદ્યોગમાં નવીનતા, ભાગીદારી અને વૃદ્ધિ માટે આ એક મહત્વપૂર્ણ ઘટના બની રહેશે. જેમાં મુખ્યમંત્રી, કેન્દ્રીય મંત્રીઓ અને મોટા સેમિકન્ડક્ટર ઉદ્યોગોના વડાઓ સામેલ થશે. ભારતમાં સેમિકન્ડક્ટર સેક્ટરમાં રોકાણની તકો અંગે પ્રેઝન્ટેશન હશે. સેમીકન્ડક્ટર ચિપ, ડિસ્પ્લે ફેબ, ચિપ ડિઝાઇન, એસેમ્બલિંગ ક્ષેત્રના નિષ્ણાતો ચર્ચા કરશે. સેમિકન્ડક્ટરને લગતી અત્યાધુનિક ટેક્નોલોજી પર છ દિવસીય પ્રદર્શનનું પણ આયોજન કરવામાં આવ્યું છે.
વડાપ્રધાન નરેન્દ્ર મોદી 28 જુલાઈના રોજ ગાંધીનગરમાં ‘સેમિકોન ઈન્ડિયા 2023’ કાર્યક્રમનું ઉદ્ઘાટન કરશે. ફોક્સકોન, માઈક્રોન, એએમડી, આઈબીએમ, માર્વેલ, વેદાંત, એલએએમ રિસર્ચ, એનએક્સપી સેમિકન્ડક્ટર્સ, એસટી માઈક્રોઈલેક્ટ્રોનિક્સ, ગ્રાન્ટવૂડ ટેક્નોલોજીસ, ઈન્ફાઈનોન ટેક્નોલોજીસ, એપ્લાઈડ મટીરીયલ્સ અને આ ક્ષેત્રની અન્ય જાણીતી કંપનીઓ આ ઈવેન્ટમાં ભાગ લેશે.