ખેડા જિલ્લાના મહેમદવાડ તાલુકાના ખંભાળી ગામના પાંચ યુવકો વડોદરા નજીક સિંધરોટ ચેકડેમમાં ન્હાવા આવ્યા હતા. જે દરમિયાન ચેકડેમમાં ડૂબી જવાથી બે યુવકોના મોત થયા હતા. ઘટનાને પગલે લોકો એકઠા થઈ ગયા હતા. મૃતક યુવક પરિવારનો એકમાત્ર પુત્ર હોવાનું જાણવા મળે છે. બંને યુવાનોના મોતથી પરિવારમાં શોકનો માહોલ છે.
સિંધરોટ ચેકડેમ પર ન્હાવા આવેલા પાંચ મિત્રો પૈકી વિશાલ ગીરીશભાઈ પરમારે સમગ્ર ઘટના અંગે જણાવ્યું હતું કે, અમે પાંચેય મિત્રો ગુરુવારે બપોરે સિંધરોટ ચેકડેમ પર પિકનિક અને ન્હાવા આવ્યા હતા. અમે અમારી બેગ ચેકડેમ પાસે મૂકી નદીમાં ન્હાવા ગયા, જ્યારે કેતન અને મને ભૂખ લાગી અને નાસ્તો કરવા ગયા.
અક્ષત અમારી સાથે નાસ્તો કરવા આવ્યો. જ્યારે સાગર અને સોહન બંને ચેકડેમ પર ન્હાવા માટે રોકાયા હતા. નાસ્તો કરીને અમે પાછા ફર્યા ત્યારે સોહન અને સાગર ક્યાંય દેખાતા ન હતા. એક કલાક પછી તેઓએ સોહન અને સાગરને શોધવાનું શરૂ કર્યું, જેઓ ન દેખાતા, સોહનની લાશ પાણીમાં તરતી મળી આવી.
ચેકડેમ પાછળ ઉંડા પાણીમાં 19 વર્ષીય સાગર હસમુખભાઈ રોહિત અને 17 વર્ષીય સોહન પ્રવિણભાઈ રોહિત ડૂબી જતાં લોકો એકઠા થઈ ગયા હતા અને સ્થાનિક તરવૈયાઓએ નદીમાં નહાવા ગયેલા બંને યુવાનોના મૃતદેહ બહાર કાઢ્યા હતા. સિંધરોટ ચેકડેમ ખાતે નદી કિનારો. બનાવની જાણ થતા તાલુકા પોલીસે ઘટના સ્થળે પહોંચી બંનેના મૃતદેહને પોસ્ટમોર્ટમ માટે સયાજી હોસ્પિટલમાં મોકલી આપતા તાલુકા પોલીસે અકસ્માત મોતનો ગુનો નોંધી કાર્યવાહી હાથ ધરી છે.