અમદાવાદઃ સુપ્રીમ કોર્ટ કોલેજિયમે અલ્હાબાદ હાઈકોર્ટના જસ્ટિસ સુનીતા અગ્રવાલને ગુજરાત હાઈકોર્ટના નવા ચીફ જસ્ટિસ તરીકે નિયુક્ત કર્યા છે. આમ, ગુજરાત હાઈકોર્ટને તેના બીજા મહિલા મુખ્ય ન્યાયાધીશ મળશે. આ સાથે જ ગુજરાત હાઈકોર્ટના કાર્યકારી મુખ્ય ન્યાયાધીશ આશિષ દેસાઈને કેરળ હાઈકોર્ટના મુખ્ય ન્યાયાધીશ બનાવવામાં આવ્યા છે.
જસ્ટિસ સુનીતા અગ્રવાલ 2011માં અલ્હાબાદ હાઈકોર્ટના જજ બન્યા હતા. અહીં તેઓ જસ્ટિસ તરીકે 11 વર્ષથી વધુનો અનુભવ ધરાવતા હાઈકોર્ટમાં સૌથી વરિષ્ઠ જજ હતા. હવે તેઓ ગુજરાતના બીજા મહિલા મુખ્ય ન્યાયાધીશ બનશે. 1989માં સ્નાતક થયા પછી, જસ્ટિસ સુનીતા અગ્રવાલે 1990માં એડવોકેટ તરીકે નોંધણી કરી અને 21 નવેમ્બર 2011ના રોજ અલાહાબાદ હાઈકોર્ટમાં વધારાના જજ તરીકે જોડાયા. આ પછી તેમણે 2013માં જજ પદના શપથ લીધા હતા. અત્યાર સુધી તેમણે ઘણા મહત્વના નિર્ણયો આપ્યા છે.