જયપુર.
મળતી માહિતી મુજબ, રાત્રે લગભગ 1.10 વાગ્યે એક જ ટ્રેક પર ગુડ્સ ટ્રેન અને એક્સપ્રેસ સામસામે આવી ગયા હતા. આ જોઈને લોકો પાઈલટે ઈમરજન્સી બ્રેક લગાવી, પરંતુ ત્યાં સુધીમાં ઘણું મોડું થઈ ચૂક્યું હતું. ટક્કર બાદ ટ્રેન પાટા પરથી ઉતરી ગઈ હતી અને પાટાથી ઘણી દૂર પડી ગઈ હતી. જેના કારણે ઈલેક્ટ્રીક લાઈન માટેના થાંભલા પણ સાવ તૂટી ગયા હતા. માહિતી મળતાં ત્યાં પહોંચેલી ટીમે બચાવ અને રાહત કાર્ય શરૂ કર્યું હતું. જે બાદ રાત્રે લગભગ 3 વાગે ટ્રેનના સુરક્ષિત કોચને અજમેર જંકશન તરફ રવાના કરવામાં આવ્યા હતા. તે જ સમયે, ક્ષતિગ્રસ્ત કોચને પાટા પરથી દૂર કરવામાં આવ્યા હતા.
ટ્રેનમાં મુસાફરી કરી રહેલા મુસાફરોએ માહિતી આપતાં જણાવ્યું હતું કે ટ્રેન લગભગ 12:55 વાગ્યે અજમેર રેલવે સ્ટેશનથી નીકળી હતી અને થોડા કિલોમીટરની મુસાફરી કર્યા પછી આ અકસ્માત થયો હતો. મુસાફરોએ જણાવ્યું કે ટ્રેનમાં બેઠેલા લોકોને જોરદાર આંચકો લાગ્યો અને સીટ પર સૂઈ રહેલા લોકો નીચે પડી ગયા. તે જ સમયે, મુસાફરોએ પણ અકસ્માત બાદ રેલ્વે અધિકારીઓના સ્થળ પર મોડા આવવાને લઈને નારાજગી વ્યક્ત કરી હતી.