(GNS),02
બારડોલીના તલાવડી વિસ્તારમાં આવેલ સરદાર પટેલ સ્પોર્ટસ કોમ્પ્લેક્સ ક્રિકેટ ગ્રાઉન્ડ ખાતે બારડોલી નગરપાલિકા દ્વારા સરદાર કપ ક્રિકેટ ટુર્નામેન્ટનું આયોજન કરવામાં આવ્યું છે.આ ટુર્નામેન્ટનું આયોજન પ્રતિભાશાળી ખેલાડીઓને પ્લેટફોર્મ મળી રહે તેમજ સારા ક્રિકેટરોને બહાર લાવવાના આશયથી કરવામાં આવ્યું છે. બારડોલી પંથક.
ટુર્નામેન્ટની પ્રથમ ક્રિકેટ મેચ બારડોલી નગરપાલિકા ઈલેવન અને બારડોલી પોલીસ ઈલેવન વચ્ચે બારડોલીમાં નિર્મિત અત્યંત આધુનિક સ્પોર્ટસ કોમ્પ્લેક્ષમાં રમાઈ હતી. ટુર્નામેન્ટમાં કુલ 39 ટીમોએ ભાગ લીધો છે.
અંતર્ગત આયોજિત કાર્યક્રમમાં અગ્રણી ભાવેશભાઈ પટેલ, નગરપાલિકા પ્રમુખ ધર્મેશ પટેલ, જિલ્લા ભાજપ ઉપપ્રમુખ અજીતસિંહ સુરમણ, ચીફ ઓફિસર મિલન પલસાણા તેમજ વિવિધ સમિતિના અધ્યક્ષો, સુરત જિલ્લા અને બારડોલી નગર ભાજપ સંગઠનના આગેવાનો વગેરેની હાજરીમાં ટુર્નામેન્ટનો પ્રારંભ થયો હતો. સુરત જિલ્લા પંચાયતના પ્રમુખ ભાવિનીબેન પટેલના અધ્યક્ષસ્થાને યોજાયો હતો.