ચહેરો
સુરત જિલ્લામાં વાતાવરણમાં પલટો આવતા ઉમરપાડામાં વરસાદી માહોલ જામ્યો છે અને ગાજવીજ સાથે વરસાદે તારાજી સર્જી છે. અચાનક પડેલા વરસાદને કારણે વાતાવરણ ખુશનુમા બની ગયું હતું તો બીજી તરફ ચોમાસાની સિઝનમાં કમોસમી વરસાદથી ખેડૂતો પરેશાન છે.
ઉમરપાડા, કેવડી, ગોવત સહિતના ગ્રામ્ય વિસ્તારોમાં ભારે વરસાદ થયો હતો. ભારે પવન સાથે અચાનક વરસાદ શરૂ થતાં વાહનચાલકો અટવાયા હતા.
સુરત સહિત ગુજરાતના અનેક વિસ્તારોમાં કમોસમી વરસાદથી ખેડૂતોની હાલત કફોડી બની છે. ભારે પવન સાથે ભારે વરસાદના કારણે કેરી, કેળા, તલ સહિતના ઉનાળુ પાકને વ્યાપક નુકસાન થયું છે અને ખેડૂતો હવે રાત્રીના સમયે પાણી માટે વલખા મારી રહ્યા છે.
અવારનવાર વરસાદ પડવાને કારણે તે ઉનાળો છે કે ચોમાસું તે નક્કી કરી શકાતું નથી. હજુ પણ શનિવાર સુધી હળવાથી ભારે વરસાદની શક્યતા હવામાન વિભાગ દ્વારા વ્યક્ત કરવામાં આવી છે. આ કમોસમી વરસાદના કારણે રોગચાળો ગંભીર બનવાની સંભાવના છે.