દેશમાં સ્ટાર્ટ અપને પ્રોત્સાહન આપવા માટે કેન્દ્રીય નાણા મંત્રાલય દ્વારા એક નોટિફિકેશન બહાર પાડવામાં આવ્યું છે. CBDTની સૂચના અનુસાર, સ્ટાર્ટ-અપ્સમાં રોકાણ કરતા 21 દેશોના NRI રોકાણકારો માટે એન્જલ ટેક્સ માફ કરવામાં આવ્યો છે. આ 21 દેશોમાં અમેરિકા, બ્રિટન અને ફ્રાન્સનો સમાવેશ થાય છે. જો કે, સિંગાપોર, આયર્લેન્ડ, નેધરલેન્ડ અને મોરેશિયસ જેવા ટેક્સ હેવન દેશોમાંથી સ્ટાર્ટ-અપ્સમાં કરાયેલા રોકાણને એન્જલ ટેક્સ મુક્તિમાંથી બાકાત રાખવામાં આવ્યા છે. CBDT નોટિફિકેશન 1 એપ્રિલથી અમલમાં આવ્યું છે. આ બજેટમાં, કેન્દ્ર સરકારે DPIIT દ્વારા માન્યતા પ્રાપ્ત સ્ટાર્ટ-અપ્સ સિવાય અનલિસ્ટેડ ખાનગી કંપનીઓ માટે વિદેશી રોકાણ પર એન્જલ ટેક્સ લાદ્યો છે. આના પગલે, સ્ટાર્ટ-અપ્સ અને વેન્ચર કેપિટલ ઉદ્યોગે અમુક વિદેશી રોકાણકારોને એન્જલ ટેક્સમાંથી મુક્તિની માંગ કરી હતી.
સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ 24 મેના રોજ એવા રોકાણકારોની યાદી જાહેર કરી હતી જે એન્જલ ટેક્સ જોગવાઈને આધિન નહીં હોય.