ડાયાબિટીસ: ડાયાબિટીસ એક એવો રોગ છે જેના દર્દીઓની સંખ્યા સમગ્ર વિશ્વમાં ઝડપથી વધી રહી છે. અનિયમિત જીવનશૈલી અને ખાવાની ખોટી આદતોના કારણે લોકોનું સ્વાસ્થ્ય બગડવા લાગ્યું છે. જેમાં સૌથી વધુ ડાયાબિટીસની સમસ્યા જોવા મળે છે. આ સાથે, વધુ પડતા સ્ટ્રેસ અને ટેન્શનના કારણે વ્યક્તિ ડાયાબિટીસનો શિકાર પણ બને છે. આજના સમયમાં યુવાનો પણ ઝડપથી ડાયાબિટીસના દર્દી બની રહ્યા છે.
હેલ્થ એક્સપર્ટ્સનું કહેવું છે કે ડાયાબિટીસને કંટ્રોલ કરવા માટે સૌથી મહત્વની બાબત એ છે કે તમારી જીવનશૈલી અને ખાવાની આદતોમાં સુધારો કરવો. સામાન્ય રીતે ડૉક્ટરો ડાયાબિટીસમાં ચા પીવાની મનાઈ ફરમાવે છે. પરંતુ એક ખાસ પ્રકારની ચા પણ છે જે ડાયાબિટીસમાં ફાયદાકારક છે. આ ચા કોમ્બુચા ચા છે. આ ચા બ્લડ શુગર લેવલને કંટ્રોલમાં રાખે છે.
કોમ્બુચા ચા બેક્ટેરિયા અને યીસ્ટમાંથી બનાવવામાં આવે છે. તેનો ઉપયોગ ચીનમાં પરંપરાગત દવાઓમાં થાય છે. એક અભ્યાસ અનુસાર, કોમ્બુચા ચા ટાઇપ-2 ડાયાબિટીસથી પીડિત લોકો માટે અત્યંત ફાયદાકારક છે. આ ચા પીવાથી બ્લડ શુગર કંટ્રોલમાં રહે છે.
જો ડાયાબિટીસના દર્દી ભોજન પહેલાં આ ચાનું સેવન કરે છે, તો તેનું બ્લડ સુગર લેવલ 70 થી 130 ની વચ્ચે રહે છે. એટલા માટે જો તમે નિયમિત દૂધની ચા પીવાને બદલે કોમ્બુચા ચા પીવાનું શરૂ કરો તો ફાયદા વધી જાય છે.