(જીએનએસ), 27
ગુજરાતમાં લોકસભાની ચૂંટણીની તૈયારીઓ શરૂ કરી દેવામાં આવી છે. દરમિયાન ગુજરાતના મહાનુભાવોની મુલાકાતો પણ વધી રહી છે. ત્યારે કેન્દ્રીય ગૃહમંત્રી અમિત શાહ આજથી 2 દિવસ માટે ગુજરાતની મુલાકાતે છે. અમિત શાહની અધ્યક્ષતામાં ગાંધીનગરમાં મહત્વની બેઠક યોજાશે. અમિત શાહ પશ્ચિમ ઝોનલ કાઉન્સિલની બેઠકમાં હાજરી આપશે. તેમજ આ બેઠકમાં ગુજરાત, મહારાષ્ટ્ર અને ગોવાના મુખ્યમંત્રીઓ પણ હાજર રહેશે. આવતીકાલે એટલે કે 28 ઓગસ્ટે ગાંધીનગરની હોટલ લીલા ખાતે પશ્ચિમ ઝોનલ કાઉન્સિલની બેઠક મળવાની છે. જેમાં કેન્દ્રીય ગૃહમંત્રી અમિત શાહ હાજર રહેશે. પશ્ચિમ ઝોનલ કાઉન્સિલની બેઠક દર બે વર્ષે યોજાય છે. જો કે, કોરોનાના સમયગાળા દરમિયાન આ બેઠકનો ક્રમ જાળવી શકાયો ન હતો. જે બાદ આ બેઠક ફરી મળવા લાગી છે. ત્યારે ફરી એકવાર ગાંધીનગરમાં આ બેઠક મળવા જઈ રહી છે. ત્યારે આ બેઠક 28 ઓગસ્ટે સવારે 10 વાગ્યે શરૂ થવાની છે. આ બેઠક બપોરે 2 કલાક સુધી ચાલશે.