મહેસાણા નગરપાલિકા દ્વારા એકમાત્ર વેરા શાખાની કામગીરી માટે 26મી જુલાઇના રોજ સવારે 11 કલાકે કારોબારીની બેઠક બોલાવવાનું આયોજન કરાયું છે. આ બેઠક કારોબારી સમિતિના અધ્યક્ષ કૌશિક વ્યાસની અધ્યક્ષતામાં સમિતિના સભ્યોની હાજરીમાં યોજાશે.
વર્ષ 2023-24માં મિલકત સંબંધિત અને ટેક્સ બિલ સામે મળેલી વાંધા અરજીઓ પર સુનાવણી હાથ ધરવામાં આવશે. પાલિકામાં વર્ષ 2023-24 માટેની કુલ 700 અરજીઓ પૈકી મોટાભાગની વાંધા અરજીઓનો સ્થળ પર જ નિકાલ કરવામાં આવ્યો છે. જ્યારે અત્યંત ગંભીર વાંધાજનક વિષયો પરની 94 અરજીઓનો નિકાલ કારોબારી સમિતિમાં અરજદારોને રૂબરૂ સાંભળીને જરૂરી સલાહ આપીને કરવામાં આવશે.