એથેન્સ: ગ્રીક ધ્વજવાળું ટેન્કર, ‘માર‘હોમર’ને શનિવારે કોઈ અજાણી વસ્તુએ ટક્કર મારી હતી. ટેન્કર નોવોરોસિસ્કમાં કેસ્પિયન પાઇપલાઇન કન્સોર્ટિયમ (CPC) ટર્મિનલમાં પ્રવેશવાના ઓર્ડરની રાહ જોઈ રહ્યું હતું. આ માહિતી ટેન્કરની મેનેજમેન્ટ કંપની ‘મારન ટેન્કર’ દ્વારા આપવામાં આવી છે.
આ જહાજ રશિયન પ્રાદેશિક પાણીની બહાર કાર્યરત હતું અને કઝાક ક્રૂડ ઓઇલનો કાર્ગો લેવા માટે રાહ જોઈ રહ્યું હતું. તે સ્થાનિક સમય મુજબ સવારે 4:35 વાગ્યે (0135 GMT) આસપાસ અથડાયું હતું.
મારન ટેન્કર્સે એક નિવેદનમાં જણાવ્યું હતું કે, “કોઈ ઈજા થઈ નથી અને જહાજનો ક્રૂ સુરક્ષિત છે.”કંપનીએ વધુમાં જણાવ્યું હતું કે જહાજના ડેક અને સાધનોને માત્ર મામૂલી નુકસાન થયું હતું.
કંપનીએ જણાવ્યું હતું કે ટેન્કર ત્યારથી નોવોરોસિસ્કથી રવાના થયું છે.
કઝાકિસ્તાનના ઉર્જા મંત્રાલયે જણાવ્યું હતું કે તે સમયે જહાજ પર કોઈ કઝાક તેલ નહોતું. કઝાકિસ્તાનની ક્રૂડ ઓઈલની નિકાસનો મોટો હિસ્સો CPC મારફતે થાય છે.
