ધુરંધર 2: બોલિવૂડ ફિલ્મમેકર આદિત્ય ધરની ફિલ્મ ધુરંધર 2 આ દિવસોમાં બોક્સ ઓફિસ પર ધૂમ મચાવી રહી છે. આ ફિલ્મે માત્ર ભારતમાં જ નહીં પરંતુ વિદેશમાં પણ શાનદાર પ્રદર્શન કર્યું અને કમાણીના નવા રેકોર્ડ બનાવ્યા. રિલીઝના થોડા જ દિવસોમાં આ ફિલ્મે દર્શકોના દિલ જીતવાની સાથે-સાથે મોટી ફિલ્મોને પણ કમાણીના મામલે પડકાર ફેંકવાનું શરૂ કરી દીધું છે.
વિશ્વભરમાં 1500 કરોડને વટાવી ગયો
અહેવાલો અનુસાર, ‘ધુરંધર 2’ એ વિશ્વવ્યાપી બોક્સ ઓફિસ પર લગભગ 1564.30 કરોડ રૂપિયાનું કલેક્શન કર્યું છે.
ફિલ્મનું વિદેશમાં પ્રદર્શન પણ ખૂબ જ જોરદાર રહ્યું છે, જ્યાં તેણે અંદાજે 385 કરોડ રૂપિયાની કમાણી કરી છે. ખાસ વાત એ છે કે રિલીઝના 17માં દિવસે પણ આ ફિલ્મે વિદેશમાં લગભગ 10 કરોડ રૂપિયાનું કલેક્શન કર્યું હતું, જે તેની સતત લોકપ્રિયતા દર્શાવે છે.
હવે આ ફિલ્મની નજર મોટી ફિલ્મોના રેકોર્ડ પર છે. પુષ્પા 2 અને બાહુબલી 2: ધ કન્ક્લુઝન જેવી બ્લોકબસ્ટર ફિલ્મોના આંકડાને વટાવી દેવાની રેસમાં તે ઝડપથી આગળ વધી રહી છે.
ઉત્તર અમેરિકામાં નવો ઈતિહાસ રચાયો
‘ધુરંધર 2’ એ ઉત્તર અમેરિકામાં શાનદાર પ્રદર્શન કરીને એક મોટો રેકોર્ડ બનાવ્યો છે.
આ ફિલ્મે અહીં $25 મિલિયનથી વધુની કમાણી કરી છે, જે આ આંકડો પાર કરનારી તે પ્રથમ બોલિવૂડ ફિલ્મ બની છે.
