ટીવી અભિનેત્રી કરિશ્મા તન્ના માતા બનવા જઈ રહી છે. અભિનેત્રીએ સોશિયલ મીડિયા પર એક પોસ્ટ શેર કરીને માહિતી આપી હતી કે તે અને તેનો પતિ વરુણ ટૂંક સમયમાં તેમના પ્રથમ બાળકનું સ્વાગત કરવા જઈ રહ્યા છે. ઘણી તસવીરો શેર કરીને અભિનેત્રીએ નવા મહેમાનની ખુશી તેના ફેન્સ અને તેના મિત્રો સાથે શેર કરી છે. કરિશ્મા અને વરુણના લગ્નના 4 વર્ષ બાદ ખુશીએ દસ્તક આપી છે. ઘરમાં નાના મહેમાનના આગમનની સાથે જ બંને પરિવારમાં તેના સ્વાગતની તૈયારીઓ શરૂ થઈ ગઈ છે. કરિશ્મા આ ઓગસ્ટમાં તેના પહેલા બાળકને જન્મ આપી શકે છે.
કરિશ્મા તન્ના માતા બનવા જઈ રહી છે
પતિ વરુણ સાથેની તસવીરો શેર કરતી વખતે કરિશ્માએ કેપ્શનમાં લખ્યું, ‘એક નાનો ચમત્કાર, આ ઓગસ્ટમાં અમારી સૌથી મોટી ભેટ આવી રહી છે’. અલી ગોની, ગૌહર ખાન, દલજીત કૌર, અનીતા હસનંદાની, સંજીદા શેખ, કરિશ્મા શર્મા, કૃતિકા કામરા, દિયા મિર્ઝા, તાહિરા કશ્યપ, ધનશ્રી વર્મા સહિત અનેક હસ્તીઓએ કરિશ્માની આ પોસ્ટ પર અભિનંદન પાઠવ્યા છે.
