બાંગ્લાદેશના વિદેશ પ્રધાન ખલીલુર રહેમાને મંગળવારે યોજાયેલી 193 સભ્યોની સંયુક્ત રાષ્ટ્ર મહાસભા (UNGA) ના આગામી પ્રમુખ પદ માટે ચૂંટણી જીતી લીધી છે. આ ચૂંટણીમાં ભારતના મિત્ર દેશ સાયપ્રસે બાંગ્લાદેશને આકરો પડકાર આપ્યો હતો. ખલીલુર રહેમાને સાયપ્રસના રાજદૂત એન્ડ્રેસ કાકૌરીસને 99-91ના માર્જીનથી હરાવ્યા હતા. આ ગુપ્ત મતદાનમાં ત્રણ દેશોએ ભાગ લીધો ન હતો.
રહેમાન સપ્ટેમ્બરમાં ચાર્જ સંભાળશે. તેઓ ભૂતપૂર્વ જર્મન વિદેશ પ્રધાન અન્નાલેના બેરબોકનું સ્થાન લેશે, જેમનો એક વર્ષનો કાર્યકાળ સપ્ટેમ્બરમાં પૂરો થાય છે. યુનાઈટેડ નેશન્સ જનરલ એસેમ્બલીના પ્રમુખનું પદ દર વર્ષે જુદા જુદા પ્રદેશો વચ્ચે ફરે છે. આ વર્ષે પ્રમુખપદ એશિયા-પેસિફિક ક્ષેત્રના ખાતામાં હતું.
ચૂંટણી પરિણામો
- કુલ મતો: 193 સભ્ય દેશોમાંથી 190 મત પડ્યા.
- ખલીલુર રહેમાન (બાંગ્લાદેશ): 99 મત.
- એન્ડ્રેસ એસ. કાકૌરીસ (સાયપ્રસ):91 મત.
આ ચૂંટણીમાં મૂળ ત્રણ ઉમેદવારો હતા – બાંગ્લાદેશ, સાયપ્રસ અને પેલેસ્ટાઈન. પેલેસ્ટિનિયન ઉમેદવાર રિયાદ મન્સૂર પીછેહઠ કર્યા બાદ હરીફાઈ બે તરફી બની હતી. બાંગ્લાદેશે ઘણા વર્ષો પહેલા પોતાની ઉમેદવારી જાહેર કરી હતી. ડૉ. ખલીલુર રહેમાન હાર્વર્ડ-પ્રશિક્ષિત અર્થશાસ્ત્રી અને અનુભવી રાજદ્વારી છે જેમણે અગાઉ યુએન સચિવાલયમાં કામ કર્યું છે અને રોહિંગ્યા મુદ્દે બાંગ્લાદેશના ઉચ્ચ પ્રતિનિધિ રહી ચૂક્યા છે. તમને જણાવી દઈએ કે બાંગ્લાદેશે છેલ્લે 1986માં આ પદ સંભાળ્યું હતું.તત્કાલીન વિદેશ મંત્રી હુમાયુ રાશિદ ચૌધરી ચૂંટાયા હતા. સાયપ્રસના ઉમેદવાર એન્ડ્રિયાસ 40 વર્ષથી વધુનો અનુભવ ધરાવતો અનુભવી રાજદ્વારી છે, જેઓ યુએસ, બ્રિટન સહિતના ઘણા દેશોમાં રાજદૂત રહી ચૂક્યા છે અને યુએનની કામગીરી સારી રીતે જાણે છે. તેમની થીમ “આપણું ઘર, આપણું ભવિષ્ય, આપણી જવાબદારી” પર કેન્દ્રિત છે.
ભારતે અભિનંદન પાઠવ્યા હતા
વિદેશ મંત્રી એસ. જયશંકરે મંગળવારે બાંગ્લાદેશના વિદેશ મંત્રી ખલીલુર રહેમાનને સંયુક્ત રાષ્ટ્ર મહાસભાના 81મા સત્રના પ્રમુખ તરીકે ચૂંટાવા બદલ અભિનંદન પાઠવ્યા હતા. જયશંકરે કહ્યું કે તેઓ વહેંચાયેલ પ્રાથમિકતાઓને આગળ વધારવા માટે બાંગ્લાદેશના નેતા સાથે નજીકથી કામ કરવા આતુર છે. જયશંકરે એક પોસ્ટમાં જણાવ્યું હતું
