એવિયન (ફ્રાન્સ), એજન્સી. યુરોપિયન કમિશનના પ્રમુખ ઉર્સુલા વોન ડેર લેયેને બુધવારે જણાવ્યું હતું કે ભારત અને યુરોપિયન યુનિયન (EU) આ વર્ષના અંત સુધીમાં મહત્વાકાંક્ષી મુક્ત વેપાર કરાર (FTA) પર હસ્તાક્ષર કરશે. જી-7 સમિટ દરમિયાન વડાપ્રધાન નરેન્દ્ર મોદી સાથે વાતચીત બાદ તેમણે આ માહિતી આપી હતી. યુરોપિયન કમિશનના પ્રમુખ વોન ડેર લેયેન ઉપરાંત યુરોપિયન કાઉન્સિલના પ્રમુખ એન્ટોનિયો કોસ્ટાએ પણ આ બેઠકમાં હાજરી આપી હતી. વોન ડેર લેયેને સોશિયલ મીડિયા પર જણાવ્યું હતું કે, “જ્યારથી અમે આ ઐતિહાસિક વેપાર કરારને અંતિમ સ્વરૂપ આપ્યું છે, અમે અમારી પ્રતિબદ્ધતાઓને પૂર્ણ કરવા માટે ઝડપથી આગળ વધી રહ્યા છીએ.”
અમે આ વર્ષના અંત સુધીમાં મુક્ત વેપાર કરાર પર હસ્તાક્ષર કરીશું અને રોકાણ કરાર પર કામને વેગ આપીશું.’ તેમણે કહ્યું, ‘અમે સુરક્ષા અને સંરક્ષણ સહયોગને પણ મજબૂત કરીશું અને ભારત-પશ્ચિમ એશિયા-યુરોપ આર્થિક કોરિડોર (IMEC) પ્રોજેક્ટને આગળ લઈ જઈને વધુ સારી કનેક્ટિવિટી માટે સાથે મળીને કામ કરીશું.’ ભારત અને EUએ જાન્યુઆરીમાં નવી દિલ્હીમાં આયોજિત સમિટમાં આ વ્યાપક વેપાર કરાર પર વાટાઘાટો પૂર્ણ કરવાની જાહેરાત કરી હતી.
