ચીનની સેનાએ સોમવારે દક્ષિણ પેસિફિક મહાસાગરમાં તેની પરમાણુ સંચાલિત સબમરીનથી લાંબા અંતરની બેલેસ્ટિક મિસાઈલનું પરીક્ષણ કર્યું હતું. હવે ચીનના આ નિર્ણય પર અનેક સવાલો ઉઠી રહ્યા છે. ઘણા દેશોએ તેનો વિરોધ કરીને ચિંતા વ્યક્ત કરી છે. રાજ્ય સમાચાર એજન્સી ‘સિન્હુઆ’ના સમાચાર અનુસાર, મિસાઇલને બપોરે 12:01 વાગ્યે છોડવામાં આવી હતી અને તે ‘ડમી’ વોરહેડથી સજ્જ હતી.
ચીને લગભગ બે વર્ષ પહેલા પ્રશાંત મહાસાગરમાં મિસાઈલ પરીક્ષણ કર્યું હતું, જ્યારે ‘ડમી’ વોરહેડથી સજ્જ ઇન્ટરકોન્ટિનેન્ટલ બેલેસ્ટિક મિસાઈલ છોડવામાં આવી હતી. સિન્હુઆએ જણાવ્યું હતું કે આ પ્રક્ષેપણ નિયમિત વાર્ષિક તાલીમનો એક ભાગ છે જે આંતરરાષ્ટ્રીય કાયદાને અનુરૂપ છે અને તે કોઈ દેશ વિરુદ્ધ નિર્દેશિત નથી. રક્ષા મંત્રાલય દ્વારા આ સમાચાર સોશિયલ મીડિયા પર ફરીથી શેર કરવામાં આવ્યા હતા.
બે દેશો નારાજ
ઓસ્ટ્રેલિયા અને ન્યુઝીલેન્ડે ટેસ્ટની ટીકા કરી હતી. ન્યુઝીલેન્ડ સરકારે જણાવ્યું હતું કે તેને આયોજિત પ્રક્ષેપણની જાણ કલાકો પહેલા જ કરવામાં આવી હતી અને નોંધ્યું હતું કે મિસાઇલ દક્ષિણ પેસિફિક મહાસાગરના પરમાણુ મુક્ત ક્ષેત્રમાં છોડવામાં આવી હતી. દક્ષિણ પેસિફિક મહાસાગરમાં આ પરમાણુ મુક્ત ક્ષેત્રની સ્થાપના 1986ની રારોટોંગા સંધિ હેઠળ કરવામાં આવી હતી, જે સમગ્ર પ્રદેશમાં પરમાણુ શસ્ત્રો પર પ્રતિબંધ મૂકે છે.
ચીને વચન આપ્યું હતું
ચીને 1987માં સંધિના પ્રોટોકોલને બહાલી આપી હતી, વચન આપ્યું હતું કે તે પ્રદેશમાં પરમાણુ શસ્ત્રોનું પરીક્ષણ કરશે નહીં અને સંધિ પર હસ્તાક્ષર કરનારા દેશો સામે પરમાણુ શસ્ત્રોના ઉપયોગની ધમકી આપશે નહીં.
નારાજ દેશે શું કહ્યું?
ન્યૂઝીલેન્ડના વિદેશ મંત્રી વિન્સ્ટન પીટર્સે ‘ધ એસોસિએટેડ પ્રેસ’ને જણાવ્યું, ‘એવું લાગે છે કે આવી પ્રવૃત્તિઓ અંગે અમારી લાંબા સમયથી ચિંતા હોવા છતાં, ચીને અમને સૂચના આપ્યાના કલાકોમાં જ આ પરીક્ષણ કર્યું હતું.’
