સોલાગામ પાટીદાર લેઉવા પ્રગતિ મંડળ પાલનપુર સ્વસ્તિક શૈક્ષણિક સંકુલ દ્વારા સંચાલિત એમ.આર. એચ. રોટરી ક્લબ પાલનપુર ડાયમંડ સિટી અને ઇનરવેલ ક્લબ પાલનપુર દ્વારા આજે મેસરા બાલમંદિર ખાતે વાલીઓ સાથે ચાઇલ્ડ ઓરલ હેલ્થ અવેરનેસ સેમિનારનું આયોજન કરવામાં આવ્યું હતું. રોટરી ક્લબ ઓફ પાલનપુર ડાયમંડ સિટીના પ્રમુખ મુકેશભાઇ મોઢ, સેક્રેટરી ડો. નિશાંત નાયક અને પ્રોજેક્ટ ચેરમેન ડો. જીગ્નેશ મહેશ્વરી કે જેમણે બાળકોના દાંતની કાળજી અંગે વાલીઓને સમજણ અને મૌખિક વાતચીત કરી હતી. બાળકોના દાંતની પણ તપાસ કરવામાં આવી હતી અને ભેટ આપવામાં આવી હતી.
સંસ્થાના પ્રમુખ રમેશભાઈ પટેલના માર્ગદર્શન હેઠળ કાર્યક્રમ યોજાયો હતો. કાર્યક્રમમાં ઇનરવેલ ક્લબ પાલનપુરના પ્રમુખ રાણીબેન ગુપ્તા, મેડિકલ ચેરમેન ડો. મેઘના પ્રજાપતિ, રોટરી ક્લબ ઓફ પાલનપુર ડાયમંડ સિટીના સભ્ય ડો. સુરેખાબેન પટેલ, આચાર્ય હાઈસ્કૂલ વિભાગના આચાર્ય મણીભાઈ સુથાર, નિયામક મહેન્દ્રભાઈ પંચાલ બાલમંદિરના આચાર્ય દર્શનાબેન મોદી, સ્ટાફ સભ્યો, બાળકો અને વાલીઓ ઉપસ્થિત રહ્યા હતા.