નવી દિલ્હીઃ આયુષ મ્હાત્રે સાઉથ આફ્રિકા A વિરૂદ્ધ પ્રથમ બિનસત્તાવાર ટેસ્ટ મેચના બીજા દિવસે પ્રથમ દાવમાં અડધી સદી ફટકારી છે. આયુષે સાઈ સુદર્શન સાથે મળીને ટીમને સારી શરૂઆત અપાવી છે. ભારત A એ લંચ બ્રેક સુધી કોઈ પણ નુકશાન વિના 71 રન બનાવ્યા હતા. ટીમ હાલમાં દક્ષિણ આફ્રિકા A થી 238 રનથી પાછળ છે.
અગાઉ, દક્ષિણ આફ્રિકા A એ ભારત A સામે પ્રથમ બિનસત્તાવાર ટેસ્ટના બીજા દિવસની શરૂઆત પ્રથમ ઇનિંગમાં 9 વિકેટે 299 રનથી કરી હતી. પરંતુ ટીમનો દાવ લાંબો સમય ટકી શક્યો ન હતો અને ગુરનૂર બ્રારે ટીમને ઓલઆઉટ કરી દીધી હતી. દક્ષિણ આફ્રિકા A તરફથી જોર્ડન હર્નમેન, ઝુબેર હમઝા અને રૂબિન હર્નમેને અડધી સદી ફટકારી હતી. જોર્ડને 71 રન બનાવ્યા હતા, જ્યારે હમઝાએ 66 અને રુબિને 54 રન બનાવ્યા હતા. આ સિવાય ટિયાન વાન વ્યુરેને 46 રનનું યોગદાન આપ્યું હતું. ત્શેપો મોરેકી આઠ રન બનાવીને અણનમ રહ્યો હતો. ભારત તરફથી તુનાશ કોટિયને શાનદાર બોલિંગ કરીને ચાર વિકેટ લીધી હતી, જ્યારે માનવ સુથાર અને ગુરનુર બ્રારે બે-બે વિકેટ લીધી હતી. ખલીલ અહેમદ અને અંશુલ કંબોજને એક-એક સફળતા મળી.
