રોહિતનો સ્ટ્રાઈક રેટ 140.89 છે અને તેણે પોતાની કારકિર્દીમાં 205 સિક્સર ફટકારી છે. વિરાટનો સ્ટ્રાઈક રેટ 137.04 છે અને તેણે 124 સિક્સર ફટકારી છે. રોહિત બટલરની સ્ટ્રાઈક રેટ 148.97 છે અને તેણે 172 સિક્સ ફટકારી છે જ્યારે આયર્લેન્ડના સ્ટર્લિંગની સ્ટ્રાઈક રેટ 134.86 છે અને તેણે 133 સિક્સર ફટકારી છે.
રોહિતે 159 ટી20 મેચોમાં 32.05ની એવરેજથી 4231 રન બનાવ્યા છે, જ્યારે કોહલીએ 125 મેચમાં 48.69ની એવરેજથી 4188 રન બનાવ્યા છે. રન બનાવનારાઓમાં રોહિત બીજા અને કોહલી ત્રીજા સ્થાને છે. આ બંને ટી20 ઈન્ટરનેશનલમાંથી નિવૃત્ત થઈ ચૂક્યા છે. ટી20માં બાબરની એવરેજ 39.57 છે. બાબરે T20 ઇન્ટરનેશનલમાં ત્રણ સદી અને 36 અડધી સદી ફટકારી છે, જ્યારે રોહિતના નામે પાંચ સદી અને 32 અડધી સદી છે. આ સાથે જ કોહલીએ એક સદી અને 38 અડધી સદી ફટકારી છે.
લાહોરમાં રમાયેલી બીજી T20 મેચમાં પાકિસ્તાને દક્ષિણ આફ્રિકાને નવ વિકેટે હરાવ્યું હતું. દક્ષિણ આફ્રિકાની ટીમ 19.2 ઓવરમાં 110 રનમાં સમેટાઈ ગઈ હતી. જવાબમાં પાકિસ્તાને 13.1 ઓવરમાં ટાર્ગેટ હાંસલ કરી લીધો હતો. બાબર ઉપરાંત સેમ અયુબે 38 બોલમાં 71 રનની અણનમ ઇનિંગ રમી હતી. આ સિવાય સાહિબજાદા ફરહાને 28 રન બનાવ્યા હતા. દક્ષિણ આફ્રિકાએ પ્રથમ T20 જીતી હતી. સિરીઝની છેલ્લી અને નિર્ણાયક T20 આજે જ લાહોરમાં રમાશે.
