અમેરિકન અબજોપતિ એલોન મસ્કની કંપની સ્પેસએક્સના સેટેલાઇટ ઇન્ટરનેટ યુનિટ સ્ટારલિંકે આખરે ભારતમાં તેની કામગીરી તરફ એક મોટું પગલું ભર્યું છે. કંપનીએ દેશમાં પ્રથમ વખત સ્થાનિક હાયરિંગ શરૂ કર્યું છે, જે તેના કોમર્શિયલ લોન્ચની તૈયારીઓને વધુ મજબૂત બનાવે છે. અગાઉ, કંપનીએ ભારતમાં તમામ જરૂરી પરવાનગીઓ અને પરમિટો મેળવી હતી.
Starlink એ LinkedIn અને તેના SpaceX Careers Portal પર નોકરીની ઘણી જગ્યાઓ પોસ્ટ કરી છે. આ ઓપનિંગ્સ દ્વારા, કંપની ભારતમાં તેની ટીમની સ્થાપના કરી રહી છે, જે પ્રી-લોન્ચ ફાઇનાન્શિયલ, એકાઉન્ટિંગ અને કમ્પ્લાયન્સ સંબંધિત કામ સંભાળશે. અહેવાલો અનુસાર, સ્ટારલિંક ભારતમાં તેની સેટેલાઇટ બ્રોડબેન્ડ સેવા 2025ના અંતમાં અથવા 2026ની શરૂઆતમાં શરૂ કરી શકે છે.
મુંબઈ, ચેન્નાઈ અને નોઈડામાં ગેટવે સ્ટેશનની તૈયારી
મસ્કની કંપનીએ મુંબઈ, ચેન્નાઈ અને નોઈડામાં તેના પ્રથમ ત્રણ ગેટવે સ્ટેશન ખોલવા માટે ભારત સરકાર પાસે પરવાનગી માંગી છે. આ સ્ટેશનો કંપનીની હાઇ-સ્પીડ સેટેલાઇટ ઇન્ટરનેટ સેવા માટે જરૂરી બેકએન્ડ નેટવર્કનો ભાગ હશે. ભવિષ્યમાં, સ્ટારલિંક ભારતના અન્ય ભાગોમાં પણ તેનું નેટવર્ક વિસ્તારવાનું આયોજન કરી રહી છે.
બેંગલુરુ સ્ટારલિંકનું ઈન્ડિયા હબ બનશે
Starlinkએ ભારતમાં નાણાં અને એકાઉન્ટિંગ વિભાગ સાથે તેની ભરતી શરૂ કરી છે. આ પોસ્ટ્સમાં ટેક્સ મેનેજર, એકાઉન્ટિંગ મેનેજર, પેમેન્ટ મેનેજર અને સિનિયર ટ્રેઝરી એનાલિસ્ટ જેવી ભૂમિકાઓનો સમાવેશ થાય છે.
