ભુવનેશ્વર:ઓડિશાના કંધમાલ જિલ્લામાં ચિપ્સના પેકેટમાંથી લીધેલી નાની રમકડાની બંદૂક ગળી જતાં ચાર વર્ષના બાળકનું મોત થયું હતું. ઘટના બાદ પરિવાર સામુહિક આરોગ્ય કેન્દ્ર પહોંચ્યો હતો. જોકે બાળકને બચાવી શકાયો ન હતો.
આ દુઃખદ ઘટના સોમવારે બની હતી, જ્યારે મૃતકના પિતા રણજીત પ્રધાન તેમના પુત્ર માટે ચિપ્સનું પેકેટ લઈને આવ્યા હતા. દીકરાએ પેકેટમાંથી રમકડાની નાની બંદૂક કાઢી, તેની સાથે રમવાનું શરૂ કર્યું અને ભૂલથી તેને ગળી ગયો. બંદૂક તેની ગરદનમાં ફસાઈ ગઈ અને તેને શ્વાસ લેવામાં તકલીફ થવા લાગી.
છોકરાએ ચીસો પાડતાં જ થોડે દૂર કામ કરતાં તેના માતા-પિતા દોડીને તેની પાસે આવ્યા અને તેના ગળામાંથી વસ્તુ કાઢવાનો પ્રયાસ કર્યો. પરંતુ જ્યારે તેઓ નિષ્ફળ ગયા, ત્યારે તેઓ તરત જ છોકરાને ઘરથી ત્રીસ કિલોમીટર દૂર દરિંગબાડી સામુદાયિક આરોગ્ય કેન્દ્રમાં લઈ ગયા.
હોસ્પિટલ પહોંચતા જ બાળકને મૃત જાહેર કરવામાં આવ્યો હતો. આરોગ્ય કેન્દ્રના ઈન્ચાર્જ મેડિકલ ઓફિસર જકેશ સામંતરાયે જણાવ્યું હતું કે રમકડાએ તેમની શ્વસન માર્ગને બ્લોક કરી દીધી હતી, જેના કારણે આ જીવલેણ અકસ્માત થયો હતો. સીએચસીના ઈન્ચાર્જ ડોક્ટર જકેશ સામંતરાયે જણાવ્યું હતું કે પિતાએ તેમને કહ્યું હતું કે ચિપ્સના પેકેટમાંથી મળેલું રમકડું બાળકના ગળામાં ફસાઈ ગયું હતું અને શ્વાસની પાઈપ સંપૂર્ણપણે બંધ થઈ ગઈ હતી, જેના કારણે તેનું મૃત્યુ થયું હતું.
પોલીસનું કહેવું છે કે હજુ સુધી આ મામલે કોઈ લેખિત ફરિયાદ મળી નથી. ફરિયાદ મળતાં યોગ્ય કાયદેસરની કાર્યવાહી કરવામાં આવશે. ન્યૂઝ એજન્સી પીટીઆઈ અનુસાર, પોલીસે કહ્યું કે છોકરાના મૃત્યુ અંગે હજુ સુધી કોઈ ઔપચારિક ફરિયાદ મળી નથી.
