‘સાયર’થી ફિલ્મોમાં ડેબ્યુ કર્યા બાદ અહાન પાંડે હવે યશ રાજ ફિલ્મ્સની એક્શન રોમેન્ટિક ફિલ્મમાં જોવા મળવાનો છે. આ ફિલ્મમાં બોલિવૂડ એક્ટ્રેસ શર્વરી વાડ્યા લીડ રોલમાં હશે. ઐશ્વર્યા ઠાકરે વિલનની ભૂમિકા ભજવશે. ડાયરેક્ટરની વાત કરીએ તો આ ફિલ્મને અલી અબ્બાસ ઝફર ડિરેક્ટ કરી રહ્યા છે.
કોણ છે ઐશ્વર્યા ઠાકરે?
ઐશ્વર્યા ઠાકરે બાળાસાહેબ ઠાકરેની પૌત્રી છે. તેણે હાલમાં જ અનુરાગ કશ્યપની ફિલ્મ ‘નિશાંચી’થી બોલિવૂડમાં એન્ટ્રી કરી હતી અને હવે તે યશ રાજ ફિલ્મ્સ સાથે કામ કરવા જઈ રહી છે.
ઐશ્વર્યા અને અહાન
એક તરફ, અહાન પાંડેની ડેબ્યૂ ફિલ્મ ‘સાયરા’ આ વર્ષની સૌથી વધુ કમાણી કરનાર ભારતીય ફિલ્મ બની ગઈ છે. બીજી તરફ, ઐશ્વર્યા ઠાકરેની ‘નિશાંચી’માં તેના કામના વખાણ થયા છે. ‘નિશાંચી’નો પહેલો ભાગ સપ્ટેમ્બરમાં સિનેમાઘરોમાં રિલીઝ થયો હતો, જ્યારે તેનો બીજો ભાગ ગયા અઠવાડિયે સીધા એમેઝોન પ્રાઇમ વીડિયો પર આવ્યો હતો.
આ ફિલ્મોનું નિર્દેશન અલી અબ્બાસ ઝફરે કર્યું છે
અલી અબ્બાસ ઝફરે સલમાન ખાનની ‘સુલતાન’, ‘ટાઈગર ઝિંદા હૈ’ અને શાહિદ કપૂરની ‘બ્લડી ડેડી’ જેવી હાઈ-ઓક્ટેન ફિલ્મો આપી છે.
અહાન પાંડેની બીજી ફિલ્મ ક્યારે આવશે?
કહેવામાં આવી રહ્યું છે કે ફિલ્મની સ્ક્રિપ્ટ પર કામ ચાલી રહ્યું છે. તેનું શૂટિંગ માર્ચ 2026 સુધીમાં શરૂ થશે. YRF આ ફિલ્મ દ્વારા નવા કલાકારો સાથે મોટા બજેટની ફિલ્મ બનાવવાનો પ્રયાસ કરી રહી છે.
