વિરાટ કોહલીએ T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. વિરાટ કોહલી લાંબા સમયથી ભારતની T20 ટીમમાં ચેઝ માસ્ટર હતો. વિરાટ કોહલીએ T20 વર્લ્ડ કપ 2024ની ફાઈનલ સુધી T20 ઈન્ટરનેશનલ ક્રિકેટ રમી હતી. આ પછી ચેઝ માસ્ટરનું પદ ખાલી થઈ ગયું હતું, પરંતુ આ જગ્યા ડાબા હાથના બેટ્સમેન તિલક વર્માએ ભરી દીધી છે. જો આંકડાઓ પર વિશ્વાસ કરવામાં આવે તો, તિલક વર્મા હવે T20 આંતરરાષ્ટ્રીય ક્રિકેટમાં વિરાટ કોહલી અને એમએસ ધોની કરતા મોટા ચેઝ માસ્ટર છે.
T20 આંતરરાષ્ટ્રીય ક્રિકેટમાં રન ચેઝમાં ઓછામાં ઓછા 500 રન બનાવનાર બેટ્સમેનોમાં તિલક વર્માની સરેરાશ સૌથી વધુ છે. ફુલ મેમ્બર નેશન્સ વિશે વાત કરીએ તો અત્યાર સુધી વિરાટ કોહલી આ લિસ્ટમાં ટોપ પર હતો, જેની ટી20 ઈન્ટરનેશનલ ક્રિકેટમાં રન ચેઝમાં એવરેજ 67.1 હતી, પરંતુ તિલક વર્માએ વિરાટ કોહલીને પાછળ છોડી દીધો છે. T20I ક્રિકેટમાં રનનો પીછો કરતી વખતે તિલક વર્માની એવરેજ હવે 68 છે. યાદીમાં ત્રીજા સ્થાને એમએસ ધોની છે, જેની આ ફોર્મેટમાં બીજી ઇનિંગ્સમાં સરેરાશ 47.71 હતી. ચોથા સ્થાને દક્ષિણ આફ્રિકાના જેપી ડુમિની હતા, જેમણે 45.55ની એવરેજથી રન બનાવ્યા હતા. કુમાર સંગાકારા આ યાદીમાં પાંચમા સ્થાને છે, જેની ટી20 આંતરરાષ્ટ્રીય ક્રિકેટમાં રન ચેઝમાં સરેરાશ 44.93 હતી.
T20I ચેઝમાં શ્રેષ્ઠ બેટિંગ એવરેજ (ઓછામાં ઓછા 500 રન વાળા ખેલાડીઓ)
68.0 – તિલક વર્મા*
67.1 – વિરાટ કોહલી
47.71 – એમએસ ધોની
