IPL 2026 સીઝન માટે મીની ઓક્શનની રાહ હવે પૂરી થવા જઈ રહી છે. આ મીની હરાજી 16 ડિસેમ્બરે સંયુક્ત આરબ અમીરાતના અબુ ધાબીના એતિહાદ એરેના ખાતે યોજાશે. આ વખતે 350 થી વધુ ખેલાડીઓની યાદી તૈયાર કરવામાં આવી છે, જેમાંથી દસ ફ્રેન્ચાઇઝી ટીમો દ્વારા મહત્તમ 77 ખેલાડીઓ જ ખરીદી શકાશે. તેમાં ભારતીય અને વિદેશી બંને ક્રિકેટરોનો સમાવેશ થાય છે, જેના કારણે બિડિંગમાં જબરદસ્ત સ્પર્ધાની અપેક્ષા છે.
મીની હરાજી પહેલા CSKનો મોટો દાવ
મીની હરાજી પહેલા, સ્ટાર સ્પોર્ટ્સે એક મોક ઓક્શનનું આયોજન કર્યું હતું, જેમાં ટીમ ઈન્ડિયાના ઘણા ભૂતપૂર્વ દિગ્ગજ ખેલાડીઓએ દસ ટીમો વતી બોલી લગાવી હતી. આ મોક ઓક્શનમાં ચેન્નાઈ સુપર કિંગ્સ (CSK)ની કમાન પૂર્વ સ્ટાર સુરેશ રૈનાના હાથમાં હતી. રૈનાએ CSK માટે બોલિંગ વિભાગને મજબૂત કરવા પર ભાર મૂક્યો અને ત્રણ મહત્વપૂર્ણ બોલરો પર મોટી રકમ ખર્ચી. મોક ઓક્શનમાં CSKએ ત્રણ ઝડપી અને સ્પિન બોલરો પર કુલ 20 કરોડ રૂપિયા ખર્ચ્યા હતા.
સૌથી મોટી બોલી લેગ સ્પિનર રાહુલ ચહર માટે હતી, જેને 10 કરોડ રૂપિયામાં ખરીદવામાં આવ્યો હતો. આ પછી દક્ષિણ આફ્રિકાના ફાસ્ટ બોલર એનરિક નોરખિયાને 7.50 કરોડ રૂપિયામાં ટીમમાં સામેલ કરવામાં આવ્યો હતો. તે જ સમયે, CSKએ ભારતીય યુવા ઝડપી બોલર શિવમ માવીને રૂ. 2.50 કરોડમાં ખરીદીને તેના પેસ આક્રમણને સંતુલિત કરવાની વ્યૂહરચના દર્શાવી હતી. CSK સ્પષ્ટપણે બોલિંગ પર ધ્યાન કેન્દ્રિત કરે છે. તમને જણાવી દઈએ કે, ચેન્નાઈ સુપર કિંગ્સ (CSK)ના પર્સમાં 43.40 કરોડ રૂપિયા છે, તેથી તે મિની ઓક્શનમાં ઘણા સ્ટાર ખેલાડીઓ પર સટ્ટો લગાવતા જોઈ શકાય છે. તે વધુમાં વધુ 9 ખેલાડીઓ ખરીદી શકે છે, જેમાંથી 4 વિદેશી ખેલાડી હોઈ શકે છે.
હરાજી પહેલા ચેન્નાઈ સુપર કિંગ્સની ટીમ
એમએસ ધોની, ઋતુરાજ ગાયકવાડ, આયુષ મ્હાત્રે, દેવાલ્ડ બ્રેવિસ, ઉર્વીલ પટેલ, શિવમ દુબે, રામકૃષ્ણ ઘોષ, ખલીલ અહેમદ, મુકેશ ચૌધરી, નાથન એલિસ, અંશુલ કંબોજ, જેમી ઓવરટોન, ગુર્જપાનીત સિંહ, નૂર અહેમદ, શ્રેયસ ગોપાલ અને સંજુ સેમસન (ટી.
