આજે અમે તમને સલમાન ખાનની એક એવી ફિલ્મ વિશે જણાવી રહ્યા છીએ જેને એક, બે નહીં પરંતુ 30 કલાકારોએ રિજેક્ટ કરી હતી. આ ફિલ્મ વર્ષ 2004માં રીલિઝ થઈ હતી. આ ફિલ્મ બોક્સ ઓફિસ પર ધૂમ મચાવી હતી. આ ફિલ્મમાં સલમાન ખાન સાથે ઐશ્વર્યા રાય બચ્ચનનો પતિ અભિષેક બચ્ચન જોવા મળ્યો હતો. જોકે, ફિલ્મમાં અભિષેક બચ્ચન અને સલમાન ખાને સ્ક્રીન શેર કરી ન હતી. આ ફિલ્મમાં સલમાન ખાનનું પાત્ર મૃત્યુ પામે છે.
આ ફિલ્મ 2004માં રિલીઝ થઈ હતી
શું તમે ફિલ્મનું નામ ઓળખ્યું? જો નહીં, તો ચાલો તમને જણાવીએ. આ ફિલ્મનું નામ છે ફિર મિલેંગે. આ ફિલ્મ વર્ષ 2004માં રિલીઝ થયેલી ફિલ્મ ધૂમ સાથે રિલીઝ થઈ હતી. આ ફિલ્મમાં સલમાન અને અભિષેક બચ્ચન સિવાય શિલ્પા શેટ્ટી પણ જોવા મળી હતી.
સલમાને એઈડ્સના દર્દીની ભૂમિકા ભજવી હતી
ફિર મિલેંગે એક એવી ફિલ્મ હતી જેમાં સલમાન ખાને એઇડ્સના દર્દીની ભૂમિકા ભજવી હતી. તે સમયે કોઈ પણ અભિનેતા એઈડ્સના દર્દીનો રોલ કરવા ઈચ્છતો ન હતો. જ્યારે આ ફિલ્મને ઘણા કલાકારોએ રિજેક્ટ કરી હતી. જે બાદ સલમાન ખાને ફિલ્મ માટે હા પાડી હતી.
સલમાન ખાનના મિત્ર અને નિર્માતા શૈલેન્દ્રએ તાજેતરમાં સિદ્ધાર્થ કાનન સાથેની ખાસ વાતચીતમાં જણાવ્યું હતું કે આ ફિલ્મને 30 કલાકારોએ રિજેક્ટ કરી હતી. જે બાદ આ ફિલ્મ સલમાન ખાન સુધી પહોંચી અને તેણે ફિલ્મમાં કામ કરવા માટે હા પાડી.
અભિનેત્રી રેવતીએ દિગ્દર્શન કર્યું છે
શૈલેન્દ્રએ કહ્યું, “રેવતી (ફિલ્મના નિર્દેશક) ઇન્ડસ્ટ્રીમાં 30 કલાકારો પાસે ગયા. ફિલ્મને નકારી કાઢનાર છેલ્લો અભિનેતા ઉદય ચોપરા હતો.” આ ફિલ્મનું નિર્દેશન અભિનેત્રી રેવતીએ કર્યું છે અને શૈલેન્દ્ર સિંહે આ ફિલ્મનું નિર્માણ કર્યું છે.
