ઓસ્ટ્રેલિયાએ 7 ફેબ્રુઆરીથી ભારત અને શ્રીલંકામાં શરૂ થનારા T20 વર્લ્ડ કપ 2026 માટે તેની અંતિમ ટીમની જાહેરાત કરી છે. ટૂર્નામેન્ટની શરૂઆત પહેલા જ ઓસ્ટ્રેલિયાને પેટ કમિન્સના રૂપમાં મોટો ફટકો પડ્યો છે. કમિન્સને પીઠની ઈજાના કારણે T20 વર્લ્ડ કપમાંથી બહાર થઈ ગયો છે. ઓસ્ટ્રેલિયાએ પેટ કમિન્સ સહિત 15 ખેલાડીઓની તેની અંતિમ ટીમમાં કુલ 2 ફેરફાર કર્યા છે. ટોપ ઓર્ડર બેટ્સમેન મેથ્યુ શોર્ટને પણ ટીમમાંથી બહાર કરી દેવામાં આવ્યો છે. તેમના સ્થાને બેન દ્વારશિઅસે લીધો છે. બિગ બેશમાં ધૂમ મચાવનાર સ્ટીવ સ્મિથની ટીમમાં પસંદગી કરવામાં આવી નથી.
ડાબા હાથના ઝડપી બોલર બેન દ્વારશુઈસ અને બેટ્સમેન મેથ્યુ રેનશોને ઓસ્ટ્રેલિયાની 15 ખેલાડીઓની ટીમમાં સામેલ કરવામાં આવ્યા છે અને પસંદગીકાર ટોની ડોડમિડનું માનવું છે કે આ જોડી 7 ફેબ્રુઆરીથી ભારત અને શ્રીલંકામાં શરૂ થઈ રહેલી ટુર્નામેન્ટમાં સારું પ્રદર્શન કરી શકે છે.
જોશ હેઝલવુડ, ટિમ ડેવિડ અને નાથન એલિસને વર્લ્ડ કપ માટે ફિટ જાહેર કરવામાં આવ્યા છે. હેઝલવૂડ એશિઝ પહેલા હેમસ્ટ્રિંગ અને એચિલીસની ઇજાઓથી પીડાતા હોવાથી રમ્યો નથી. હેમસ્ટ્રિંગની ઈજાને કારણે ડેવિડ BBLમાંથી બહાર તે મોટાભાગની BBL મેચો અને પાકિસ્તાન સિરીઝ ચૂકી ગયો હતો, જ્યારે એલિસને હળવી હેમસ્ટ્રિંગની ઈજાને કારણે BBL ફાઈનલ અને પાકિસ્તાન પ્રવાસમાંથી બહાર કરવામાં આવ્યો હતો.
