Xiaomi દ્વારા ટ્રુ વાયરલેસ સ્ટીરિયો Redmi Buds 5 earbuds લોન્ચ કરવામાં આવ્યા છે. ઇયરબડ્સમાં એક શાનદાર ઓડિયો અનુભવ આપવામાં આવ્યો છે. ઇયરબડ્સમાં ફાસ્ટ ચાર્જિંગ સાથે ANC સપોર્ટ આપવામાં આવ્યો છે. આ ઇયરબડ્સ 3 કલર વિકલ્પો ફ્યુઝન બ્લેક, ફ્યુઝન પર્પલ, ફ્યુઝન વ્હાઇટમાં આવશે. તેને ઈ-કોમર્સ પ્લેટફોર્મ Mi.com, Amazon, Flipkart, Mi Home અને Xiaomi રિટેલ પાર્ટનર સ્ટોર્સ પરથી ખરીદી શકાય છે.
કિંમત
તેની કિંમત 2,999 રૂપિયા છે. ઇયરબડનું વેચાણ 20 ફેબ્રુઆરીથી શરૂ થશે. તેની ખરીદી પર મર્યાદિત સમયગાળાની ઓફર જારી કરવામાં આવી છે. Redmi earbuds Redmi Note 13 સિરીઝના સ્માર્ટફોન અને Redmi Pad સાથે માત્ર 2,499 રૂપિયામાં ખરીદી શકાય છે.
વિશિષ્ટતાઓ
Redmi Buds 5 માં 46dB હાઇબ્રિડ નોઈઝ કેન્સલેશન છે. તેમાં 99.5 ટકા બેકગ્રાઉન્ડ હાઈબ્રિડ નોઈઝ કેન્સલેશન ફીચર છે. તે ડ્યુઅલ માઇક AI વૉઇસ એન્હાન્સમેન્ટ સાથે ક્રિસ્ટલ ક્લિયર કૉલ્સ અને વૉઇસ પ્રદાન કરે છે. Redmi Buds 5 સ્માર્ટફોનમાં 12.4 ડાયનેમિક ટાઇટેનિયમ ડ્રાઇવર સપોર્ટ છે. તેમાં એક ખાસ AI ફીચર છે, જે જોરદાર પવન દરમિયાન તમને કૉલ ગુણવત્તામાં વધારો કરે છે. તે તમામ ફ્રીક્વન્સીઝ પર સંતુલિત અને ચોક્કસ ઑડિયો અનુભવ પ્રદાન કરવાનો દાવો કરે છે. તેમાં સ્ટાન્ડર્ડ સહિત કુલ ત્રણ ઓડિયો મોડ ઉપલબ્ધ છે. કંપનીનો દાવો છે કે ઈયરબડને માત્ર 5 મિનિટના ચાર્જિંગમાં 2 કલાકનો બેટરી બેકઅપ આપવામાં આવી રહ્યો છે. આમાં તમને કેસ ચાર્જિંગ સાથે 38 કલાકનો બેટરી બેકઅપ મળશે. તમને ઈયરબડ્સમાં ત્રણ નોઈઝ કેન્સલેશન મોડ, ડીપ નોઈઝ કેન્સલેશન, બેલેન્સ્ડ નોઈઝ કેન્સલેશન અને લાઇટ નોઈઝ કેન્સલેશન ફીચર આપવામાં આવ્યા છે. તેમાં ડ્યુઅલ ડિવાઇસ પેરિંગ, ફાઇન્ડ ઇયરફોન જેવા ફીચર્સ આપવામાં આવ્યા છે.