રાજસ્થાન રોયલ્સે પોતાની પ્રથમ મેચમાં લખનૌની ટીમને 20 રને હરાવ્યું છે. જયપુરના સવાઈ માનસિંહ સ્ટેડિયમમાં ટોસ જીત્યા બાદ રાજસ્થાન રોયલ્સના કેપ્ટન સંજુ સેમસને પ્રથમ બેટિંગ કરવાનો નિર્ણય કર્યો અને તેની ટીમે 4 વિકેટના નુકસાન પર 193 રન બનાવ્યા. આ પછી 194 રનનો પીછો કરવા ઉતરેલી લખનૌ સુપરજાયન્ટ્સની ટીમ 6 વિકેટના નુકસાન પર 173 રન જ બનાવી શકી હતી.
જોસ બટલર શરૂઆતમાં સારા ફોર્મમાં દેખાતો હતો, પરંતુ તેણે તેની વિકેટ વહેલી ગુમાવી દીધી હતી, પરંતુ રિયાન પરાગે ખાસ કરીને મિડલ ઓર્ડરમાં શાનદાર અને વિસ્ફોટક ઇનિંગ્સ રમીને દર્શકોના દિલ જીતી લીધા હતા. 15મી ઓવર સુધી રાજસ્થાન લગભગ 9.5ના રન રેટથી રમી રહ્યું હતું, જ્યાં એવું લાગી રહ્યું હતું કે ટીમ 210-215 રનનો સ્કોર હાંસલ કરી શકશે. પરંતુ તે પછી લખનઉના બોલરોએ સારી લય જાળવી રાખી રાજસ્થાનને 193ના સ્કોર સુધી રોકી દીધું હતું.
લખનૌ તરફથી નવીન-ઉલ-હકે સારી બોલિંગ કરી હતી, જેણે 2 મહત્વની વિકેટો લીધી હતી અને કૃણાલ પંડ્યાએ એક પણ વિકેટ લીધી ન હતી પરંતુ 4 ઓવર શાનદાર રીતે ફેંકી હતી. જયસ્વાલે તેની ટૂંકી ઇનિંગ્સમાં 3 ચોગ્ગા અને 1 છગ્ગા પણ ફટકાર્યા હતા. તેણે 200ના સ્ટ્રાઈક રેટથી 12 બોલમાં 24 રન બનાવ્યા, પરંતુ તે મોટી ઈનિંગ રમી શક્યો નહીં. ટીમનો સ્કોર 49 રનમાં 2 વિકેટે હતો, પરંતુ ત્યારબાદ કેપ્ટન સંજુ સેમસન અને રેયાન પરાગ વચ્ચે 93 રનની શાનદાર ભાગીદારી થઈ હતી.
રિયાન પરાગે 29 બોલની ઈનિંગમાં 1 ફોર અને 3 સિક્સર વડે 43 રન બનાવ્યા હતા. શિમરોન હેટમાયર આજે બેટિંગ કરવામાં નિષ્ફળ રહ્યો હતો. ધ્રુવ જુરેલે કેપ્ટન સેમસનને સારો સાથ આપ્યો હતો. સેમસને પોતાની ઇનિંગમાં 52 બોલ રમીને 82 રન બનાવ્યા હતા અને આ ઇનિંગ દરમિયાન તેણે 3 ફોર અને 6 સિક્સર ફટકારી હતી. જ્યારે જુરેલે 12 બોલમાં 20 રન બનાવ્યા હતા. કોક 4, દેવદત્ત પડિકલ 0 આયુષ બદોની 1, દીપક હુડા 26 અને કેએલ રાહુલ 58 રન બનાવીને આઉટ થયા હતા.