-આન્દ્રે રસેલ પ્લેયર ઓફ ધ મેચ બન્યો હતો
કોલકાતા. IPL 2024ની ત્રીજી મેચમાં કોલકાતા નાઈટ રાઈડર્સે સનરાઈઝર્સ હૈદરાબાદને 4 રને હરાવ્યું. KKRની આ જીતના હીરો આન્દ્રે રસેલ અને હર્ષિત રાણા હતા. રસેલે 64 રનની શાનદાર અણનમ ઇનિંગ રમી અને બે વિકેટ ઝડપી. જ્યારે ઝડપી બોલર હર્ષિત રાણાએ ત્રણ મહત્વની વિકેટ ઝડપીને ટીમને જીત તરફ દોરી હતી. રસેલને તેના ઓલરાઉન્ડ પ્રદર્શન માટે પ્લેયર ઓફ ધ મેચ જાહેર કરવામાં આવ્યો હતો.
કોલકાતાના ઈડન ગાર્ડન્સ મેદાન પર શનિવારે રમાયેલી મેચમાં સનરાઈઝર્સ હૈદરાબાદના કેપ્ટન પેટ કમિન્સે ટોસ જીતીને પ્રથમ બોલિંગ કરવાનો નિર્ણય લીધો હતો. ટોસ હારીને પ્રથમ બેટિંગ કરવાનો નિર્ણય લેતા KKRએ 20 ઓવરમાં સાત વિકેટ ગુમાવીને 208 રન બનાવ્યા હતા. KKR માટે ઓલરાઉન્ડર આન્દ્રે રસેલે સૌથી વધુ 64 અણનમ રનની ઇનિંગ રમી હતી. સનરાઇઝર્સ હૈદરાબાદ તરફથી ટી નટરાજને સૌથી વધુ ત્રણ વિકેટ લીધી હતી. લક્ષ્યનો પીછો કરવા ઉતરેલી સનરાઈઝર્સ હૈદરાબાદની ટીમ 20 ઓવરમાં સાત વિકેટ ગુમાવીને માત્ર 204 રન જ બનાવી શકી હતી. આ રીતે હૈદરાબાદને ક્લોઝ મેચમાં ચાર રને મેચ હારવી પડી હતી. સનરાઇઝર્સ હૈદરાબાદ તરફથી વિસ્ફોટક બેટ્સમેન હેનરિક ક્લાસને સૌથી વધુ 63 રનની ઇનિંગ રમી હતી.